പാരിസ്: ഒളിംപിക്‌സ് ഗുസ്തിയില്‍ ഇന്ത്യക്ക് വന്‍ നിരാശ. 50 കിലോ വിഭാഗം ഫ്രീസ്‌റ്റൈലില്‍ ഫൈനലിലെത്തിയ വിനേഷിന് അയോഗ്യയാക്കി. ഭാര പരിശോധനയില്‍ പരാജയപ്പെട്ടു. അനുവദനീയമായതിലും 100 ഗ്രാം കൂടുതലാണെന്നാണ് വിശദീകരണം. ഫോഗട്ടിന് ഒളിമ്പിക് മെഡല്‍ നഷ്ടമാകും.

ഇന്നായിരുന്നു  ഫൈനല്‍. സെമിയില്‍ ക്യൂബയുടെ യുസ്‌നെയ്‌ലിസ് ലോപ്പസിനെ 50ന് വീഴ്ത്തിയാണ് ഒളിംപിക്‌സ് ഗുസ്തി ഫൈനലിലെത്തുന്ന ആദ്യ ഇന്ത്യക്കാരിയായി മാറിയത്. 

ദേശീയ ഗുസ്തി ഫെഡറേഷന്‍ മുന്‍ പ്രസിഡന്റ് ബ്രിജ്ഭൂഷന്‍ സിങ്ങിനെതിരായ ലൈംഗികാരോപണത്തില്‍ രംഗത്തെത്തിയവരില്‍ മുന്നില്‍നിന്ന താരമാണ് വിനേഷ്. കടുത്ത പോരാട്ടത്തിനൊടുവിലാണ് അവര്‍ സെമിയില്‍ പ്രവേശിച്ചത്. ആദ്യ മത്സരമായ പ്രീക്വാര്‍ട്ടറില്‍ ടോക്കിയോ ഒളിംപിക്‌സ് ചാംപ്യനും ഒന്നാം സീഡുമായ ജപ്പാന്റെ യൂയി സുസാക്കിയെ 32ന് തോല്‍പ്പിച്ചാണ് ക്വാര്‍ട്ടറിലേക്ക് മുന്നേറിയത്. ആദ്യ പിരീഡില്‍ 10ന് പിറകിലായെങ്കിലും രണ്ടാം പിരീഡില്‍ തകര്‍പ്പന്‍ തിരിച്ചുവരവ് നടത്തിയ വിനേഷ് അവസാന മിനുട്ടില്‍ ജയം സ്വന്തമാക്കി. നാലു തവണ ലോക ചാംപ്യന്‍ കൂടിയായ യുയി സുസാക്കിയെ മത്സരം അവസാനിക്കാന്‍ 10 സെക്കന്‍ഡ് മാത്രം ബാക്കിനില്‍ക്കേ വീഴ്ത്തി വിനേഷ് പോയിന്റ് സ്വന്തമാക്കുകയായിരുന്നു.

ശേഷം നടന്ന ക്വാര്‍ട്ടറില്‍ ഉക്രൈന്റെ ഓക്‌സാന ലിവാച്ചിനെ 75ന് വീഴ്ത്തി സെമി ബര്‍ത്തും ഉറപ്പിച്ചു. ആദ്യ മിനുട്ടുകളില്‍ മുന്നില്‍നിന്ന വിനേഷിനെതിരേ അവസാന സമയത്ത് എതിരാളി കടന്നാക്രമിക്കാന്‍ ശ്രമിച്ചെങ്കിലും പ്രതിരോധിച്ച വിനേഷ് സെമിയില്‍ പ്രവേശിച്ചു.