തിരുവനന്തപുരം: പാഴ്‌സല്‍ വരുന്നതില്‍ മയക്കുമരുന്നുണ്ടെന്നോ ഏതെങ്കിലും കുറ്റകൃത്യം നടന്നെന്നോ പറഞ്ഞുകൊണ്ട് പൊലീസുദ്യോഗസ്ഥരെന്ന പേരില്‍ ഫോണ്‍ കോളുകള്‍ വരാറുണ്ടെങ്കില്‍ ശ്രദ്ധിക്കണമെന്ന മുന്നറിയിപ്പുമായി കേരള പൊലിസ്. അന്വേഷണ ഏജന്‍സിയില്‍ നിന്നാണെന്നും നിങ്ങള്‍ വിര്‍ച്വല്‍ അറസ്റ്റിലാണെന്നും പറയുകയാണ് ഈ തട്ടിപ്പിന്റെ രീതിയെന്നും പൊലിസ് വ്യക്തമാക്കുന്നു. 

മുതിര്‍ന്ന പൊലീസ് ഉദ്യോഗസ്ഥരുടെ യൂണിഫോം ധരിച്ച് വീഡിയോ കോളിലൂടെയാണ് തട്ടിപ്പുകാര്‍ ബന്ധപ്പെടുന്നത്. നിങ്ങളുടെ അക്കൗണ്ടിലെ പണം പരിശോധനയ്ക്കായി റിസര്‍വ് ബാങ്കിലേയ്ക്ക് ഓണ്‍ലൈനില്‍ അയയ്ക്കാനായി തട്ടിപ്പുകാര്‍ ആവശ്യപ്പെടും. ഇത്തരം തട്ടിപ്പില്‍ വീഴരുതെന്നും തട്ടിപ്പുകാര്‍ ബന്ധപ്പെട്ടാല്‍ ഉടന്‍ തന്നെ 1930 എന്ന നമ്പറില്‍ സൈബര്‍ സെല്ലുമായി ബന്ധപ്പെടണമെന്നുമാണ് പൊലിസ് മുന്നറിയിപ്പ്.

Police issue warning about a new scam technique where fraudsters pose as investigation agency officials to deceive victims. Stay vigilant and informed to avoid falling prey to this virtual arrest scam. Learn more about the warning and how to stay safe.