കല്‍പ്പറ്റ: പച്ചത്തേയിലയുടെ ഓഗസ്റ്റ് മാസത്തെ താങ്ങുവില 12.50 രൂപയായി നിശ്ചയിച്ചു. എല്ലാ ഫാക്ടറികളും അതാത് മാസത്തെ തേയില വിറ്റുവരവ് നിലവാരവും പച്ചത്തേയിലക്ക് നല്‍കുന്ന വിലയും നോട്ടിസ് ബോര്‍ഡില്‍ പ്രദര്‍ശിപ്പിക്കുകയും രജിസ്റ്റര്‍ സൂക്ഷിക്കുകയും വേണം.
ചെറുകിട തേയില കര്‍ഷകരില്‍ നിന്നും ഇല വാങ്ങുന്നവര്‍ ശരാശരി വിലയോ, ടീ ബോര്‍ഡ് പ്രൈസ് ഷെയറിങ്ങ് ഫോര്‍മുല പ്രകാരം നിശ്ചയിച്ച വിലയോ ഏതാണോ വലുത് അത് കര്‍ഷകര്‍ക്ക് നല്‍കി വിവരം ടീ ബോര്‍ഡിനെ രേഖാമൂലം അറിയിക്കണമെന്നും ഫാക്ടറിക്കു മുന്നില്‍ പ്രദര്‍ശിപ്പിക്കണമെന്നും എ.ഡി.എം കെ.എം രാജുവിന്റെ അധ്യക്ഷതയില്‍ കലക്ടറേറ്റില്‍ നടന്ന യോഗത്തില്‍ നിശ്ചയിച്ചു.
ടീ ബോര്‍ഡ് ഫാക്ടറി അഡൈ്വസറി ഓഫിസര്‍ കെ സുനില്‍ കുമാര്‍, എച്ച്.എം.എല്‍, ചുണ്ടേല്‍ എസ്റ്റേറ്റ് മാനേജര്‍ ജേക്കബ് തരകന്‍, എ.വി.റ്റി എസ്റ്റേറ്റ് മാനേജര്‍ ബി.എം ഉത്തപ്പ തുടങ്ങിയവര്‍ പങ്കെടുത്തു.