ഇംഫാല്‍: ക്രമസമാധാന പ്രശ്‌നം കണക്കിലെടുത്ത് മണിപ്പുരില്‍ അഞ്ച് ദിവസത്തേക്ക് ഇന്റര്‍നെറ്റ് സേവനം റദ്ദാക്കി. സോഷ്യല്‍ മീഡിയകളിലൂടെ വിദ്വേഷം പടര്‍ത്തുന്ന ചിത്രങ്ങളും പ്രസംഗങ്ങളും പ്രചരിപ്പിക്കുന്നത് തടയാനും വീണ്ടുമൊരു സംഘര്‍ഷത്തിലേക്ക് കടക്കാതിരിക്കാനും വേണ്ടിയാണ് ഇന്റര്‍നെറ്റ് റദ്ദാക്കുന്നതെന്ന് സര്‍ക്കാര്‍ റിപ്പോര്‍ട്ടില്‍ പറയുന്നു.

സെപ്റ്റംബര്‍ 10 ന് വൈകിട്ട് മൂന്ന് മണിമുതല്‍ സെപ്റ്റംബര്‍ 15 വൈകിട്ട് മൂന്ന് വരേയാണ് ഇന്റര്‍നെറ്റ് സേവനത്തിന് നിരോധനമെന്ന് സര്‍ക്കാര്‍ പുറത്തിറക്കിയ പ്രസ്താവനയില്‍ പറയുന്നു.

കുക്കി-മെയതി വിഭാഗങ്ങള്‍ക്കിടയില്‍ ആഭ്യന്തര സംഘര്‍ഷം ഉടലെടുത്ത് ഒരു വര്‍ഷത്തിലേറെ ആകുന്നു, എന്നാല്‍ സംസ്ഥാനത്ത് ഇതുവരെ സമാധാനം പുന:സ്ഥാപിക്കാന്‍ സാധിച്ചിട്ടില്ല. 11 പേരാണ് കഴിഞ്ഞ ആഴ്ച മാത്രം മണിപ്പുരില്‍ കൊല്ലപ്പെട്ടത്. കലാപകാരികള്‍ക്കെതിരേ നടപടിയെടുക്കണമെന്നാവശ്യപ്പെട്ട് നടത്തിയ വിദ്യാര്‍ഥി പ്രതിഷേധം സംഘര്‍ഷത്തില്‍ അവസാനിച്ചതോടെ ചൊവ്വാഴ്ച ഇംഫാലിലും പരിസര പ്രദേശങ്ങളിലും കര്‍ഫ്യൂ ഏര്‍പ്പെടുത്തിയത്.

 The Indian government has imposed a 5-day internet shutdown in Manipur amid ongoing violence and unrest in the region. The move aims to curb the spread of misinformation and maintain public order. Stay informed with the latest updates on this developing story.