അബൂദബി/അജ്മാൻ/ഫുജൈറ: യു.എ.ഇ രക്തസാക്ഷികളായ നഹ്‌യാൻ അബ്ദുല്ല അഹ്മദ് അൽ മർസൂഖി, നാസർ മുഹമ്മദ് യൂസഫ് അൽ ബലൂഷി, അബ്ദുൽ അസീസ് സഈദ് അൽ തിനെയ്ജി, അഹമ്മദ് മുഹമ്മദ് റാഷിദ് അൽ ഷിഹ്ഹി എന്നിവരുടെ വിയോഗത്തിൽ അബൂദബി കിരീടാവകാശി ശൈഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്‌യാൻ അനുശോചനം രേഖപ്പെടുത്തി. രാജ്യത്ത് തങ്ങളുടെ ചുമതലകൾ നിർവഹിക്കുന്നതിനിടെയുള്ള അപകടത്തിലാണ് ഈ സൈനികർ രക്തസാക്ഷികളായത്. 

അബൂദബി അൽ ഷവാമിഖ് സിറ്റി, അജ്മാനിലെ അൽ റഖൈബന്ദ് അൽ ഹമീദിയ, ഫുജൈറയിലെ ദിബ്ബ അൽ ഫുജൈറ എന്നിവിടങ്ങളിൽ നടന്ന അനുശോചന മജ്ലിസുകളിൽ അദ്ദേഹം പങ്കെടുത്തു. രക്തസാക്ഷികളുടെ കുടുംബങ്ങളെയും ബന്ധുക്കളെയും അബൂദബി കിരീടാവകാശി അഗാധമായ ദുഃഖം രേഖപ്പെടുത്തി. അവർക്ക് ധൈര്യവും സാന്ത്വനവും നേർന്നു. രക്തസാക്ഷികളുടെ ആത്മാവിൽ കരുണയുണ്ടാകാനും, വിജയം നേടിയ സഹോദരങ്ങൾക്കൊപ്പം അവരുടെ സ്വർഗ്ഗ പ്രവേശനത്തിനും അദ്ദേഹം പ്രാർത്ഥിച്ചു. 

രാജ്യത്തിൻ്റെ രക്തസാക്ഷികൾ അഭിമാനത്തിൻ്റെയും ബഹുമാനത്തിൻ്റെയും സ്രോതസാണെന്നും, അവരുടെ ത്യാഗങ്ങൾ എന്നും വർത്തമാന-ഭാവി തലമുറകൾക്ക് ശാശ്വതമായ മാതൃകയാകുമെന്നും, മാതൃരാജ്യത്തോടുള്ള അവരുടെ അർപ്പണ ബോധവും സേവനവും അങ്ങേയറ്റം വിലമതിക്കുന്നുവെന്നും ശൈഖ് ഖാലിദ് പറഞ്ഞു. 

ദുബൈ കിരീടാവകാശി ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ബുധനാഴ്ച പരിക്കേറ്റവരെ സന്ദർശിച്ച് അനുശോചനമറിയിച്ചിരുന്നു. അബൂദബി ക്രൗൺ പ്രിൻസ് കോർട്ട് ചെയർമാൻ ശൈഖ് ഖലീഫ ബിൻ തഹ്നൂൻ ബിൻ മുഹമ്മദ് അൽ നഹ്‌യാനും അനുശോചനം രേഖപ്പെടുത്തി. 

സൈനികർ രക്തസാക്ഷികളായത് വെടിക്കോപ്പുകൾ കൊണ്ടുപോകുന്നതിനിടെ

ദുബൈ: സൈനിക ക്യാംപിൽ വെടിക്കോപ്പുകൾ മറ്റൊരിടത്തേക്ക് കൊണ്ടുപോകുന്നതിനിടെയാണ് അപകടത്തിൽ നാല് സൈനികർ മരിച്ചതെന്ന് ഉന്നത പ്രതിരോധ ഉദ്യോഗസ്ഥൻ പ്രസ്താവനയിൽ പറഞ്ഞു. ഈ മാസം 24ന് വൈകുന്നേരമാണ് അപകടമുണ്ടായത്. ഒമ്പത് പേർക്ക് പരുക്കുറ്റതായും പ്രതിരോധ മന്ത്രാലയം അറിയിച്ചു. 

നഹ്‌യാൻ അബ്ദുല്ല അഹ്മദ് അൽ മർസൂഖി, നാസർ മുഹമ്മദ് യൂസഫ് അൽ ബലൂഷി, അബ്ദുൽ അസീസ് സഈദ് അൽ തിനെയ്ജി, അഹമ്മദ് മുഹമ്മദ് റാഷിദ് അൽ ശിഹ്ഹി എന്നിവരാണ് രക്തസാക്ഷികളായത്. സൈനികരുടെ കുടുംബങ്ങളെ വ്യാഴാഴ്ച സന്ദർശിച്ച പ്രതിരോധ മന്ത്രാലയം അണ്ടർ സെക്രട്ടറി മത്താർ സാലം അൽ ദാഹിരി ആത്മാർഥമായ അനുശോചനമറിയിച്ചു. അവർക്കു വേണ്ടി പ്രാർഥിക്കുകയും ചെയ്തു.

പരുക്കേറ്റ സൈനികർക്ക് രാജ്യത്ത് ഏറ്റവും മികച്ച ആരോഗ്യ സേവനമാണ് നൽകുന്നതെന്നും അദ്ദേഹം കൂട്ടിച്ചേർത്തു. 
ബുധനാഴ്ച അജ്മാനിൽ ചില സൈനികരുടെ ഖബറടക്ക ചടങ്ങുകൾ നടന്നു. 

n the UAE, Sheikh Khalid bin Mohammed bin Zayed Al Nahyan expressed condolences for the loss of the martyrs Nahyan Abdullah Ahmad Al Marsouqi, Nasser Mohammed Youssef Al Baloushi, Abdul Aziz Saeed Al Thunaiji, and Ahmad Mohammed Rashid Al Shehhi.