അബൂദബി: യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്‌യാന്റെ നിർദേശ പ്രകാരം ലബനാനെയും മറ്റു സഹോദര രാഷ്ട്രങ്ങളെയും പിന്തുണക്കാനായി 'യു.എ.ഇ സ്റ്റാൻഡ്‌സ് വിത്ത് ലബനാൻ' ദേശീയ ദുരിതാശ്വാസ കാംപയിനിന് തുടക്കം കുറിച്ചു. ലോകാരോഗ്യ സംഘടനയുടെ (ഡബ്ല്യു.എച്ച്.ഒ) സഹകരണത്തോടെ ലബനാനിലെ ജനങ്ങൾക്ക് 100 മില്യൺ യു.എസ് ഡോളറിന്റെ അടിയന്തര ദുരിതാശ്വാസ പാക്കേജ് നൽകാനുള്ള യു.എ.ഇ പ്രസിഡന്റ് ശൈഖ് മുഹമ്മദ് അൽ നഹ്‌യാൻ്റെ നിർദേശത്തെ തുടർന്ന് 40 ടൺ അടിയന്തര വൈദ്യ സഹായം വഹിച്ചുകൊണ്ടുള്ള ആദ്യ വിമാനം ദുബൈ അൽ മക്തൂം ഇന്റർനാഷണൽ എയർപോർട്ടിൽ നിന്ന് പുറപ്പെട്ടു.

 ഈ വിമാനമാണ് കാംപയിന് കീഴിൽ ലബനാനിൽ ആദ്യമായി എത്തുന്നത്. സഹായ വിമാനം പ്രത്യേകിച്ചും, ഇത്തരം പ്രതികൂല സാഹചര്യങ്ങളിൽ, യു.എ.ഇയുടെ മാനുഷിക ശ്രമങ്ങളെയും ലബനാനിലെ ജനങ്ങളെ പിന്തുണക്കാനുള്ള പ്രതിബദ്ധതയെയും പ്രതിഫലിപ്പിക്കുകയും ഇരു രാജ്യങ്ങളും തമ്മിലുള്ള അടുത്ത സാഹോദര്യ ബന്ധം പ്രകടമാക്കുകയും ചെയ്യുന്നു. യു.എ.ഇയുടെ മാനുഷിക കാഴ്ചപ്പാടും പ്രതിസന്ധി ഘട്ടങ്ങളിൽ മറ്റുള്ളവർക്ക് സഹായഹസ്തം നീട്ടുന്നതിൽ ഉൾച്ചേർന്ന ചരിത്രപരമായ സാഹോദര്യതത്ത്വങ്ങളും ഈ സഹായം ഉൾക്കൊള്ളുന്നു. 

രാജ്യത്തിൻറെ ഉറച്ച പ്രതിബദ്ധതയെയും അതിൻ്റെ നേതൃത്വത്തെയും പ്രതിനിധീകരിച്ച് ലോകമെമ്പാടുമുള്ള രാജ്യങ്ങൾക്ക് അടിയന്തര മാനുഷിക പിന്തുണ നൽകാനുള്ള യു.എ.ഇ നേതൃത്വത്തിൻറെ സമർപ്പണത്തിന് ഈ ശ്രമങ്ങൾ അടിവരയിടുന്നുവെന്ന് യു.എ.ഇയുടെ അന്താരാട്ര സഹകരണ സഹമന്ത്രി റീം ബിൻത് ഇബ്രാഹിം അൽ ഹാഷിമി പറഞ്ഞു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക