തലശ്ശേരി: തലശ്ശേരി-മൈസൂര്‍ റെയില്‍വേ ലൈന്‍ ഉടന്‍ പ്രാവര്‍ത്തികമാക്കണമെന്ന് കേരള വ്യാപാരി വ്യവസായി ഏകോപന സമിതി തലശ്ശേരി മേഖലാ സമ്മേളനം ആവശ്യപ്പെട്ടു. വ്യാപാര ഭവനില്‍ നടന്ന സമ്മേളനം ജില്ലാ സെക്രട്ടറി സി.കെ രാജന്‍ ഉദ്ഘാടനം ചെയ്തു. സി.സി വര്‍ഗീസ് അധ്യക്ഷനായി. എസ്.എസ്.എല്‍.സി പരീക്ഷയില്‍ മുഴുവന്‍ വിഷയങ്ങളിലും എപ്ലസ് നേടിയ അംഗങ്ങളുടെ മക്കള്‍ക്കുള്ള പുരസ്‌ക്കാരങ്ങള്‍ കെ വിനയരാജ് വിതരണം ചെയ്തു. കെ.പി രതീഷ് പ്രവര്‍ത്തന റിപ്പോര്‍ട്ട് അവതരിപ്പിച്ചു. കെ.കെ മന്‍സൂര്‍, വി.പി ചിന്നന്‍, ഇ.കെ ഗോപിനാഥ്, കെ.എന്‍ പ്രസാദ്, യു.വി ഖാലിദ് സംസാരിച്ചു. എ.കെ സക്കറിയ സ്വാഗതവും ഇര്‍ഷാദ് അബ്ദുല്ല നന്ദിയും പറഞ്ഞു.