ചോറിനൊപ്പം മീന്‍ പൊരിച്ചത് ഇല്ലെങ്കില്‍ ചോറ്  കഴിക്കാത്തവരും ഉണ്ട്. മലയാളികള്‍ക്കെന്നും ചോറും കറിയും മീന്‍വറുത്തതും ഉപ്പേരിയും പപ്പടവുമൊക്കെ കൂട്ടിയുള്ള ചോറ് തന്നെയാണ് ഇഷ്ടം. പ്രത്യേകിച്ച് നല്ല ഫ്രെഷ് മീനാണെങ്കില്‍ കറിവച്ചും പൊരിച്ചുമൊക്കെ തന്നെയാണ് നമ്മള്‍ കഴിക്കുക.

മത്തിയാണെങ്കില്‍ പറയുകയും വേണ്ട, ആരോഗ്യഗുണമുള്ള മത്തി (ചാള)ക്ക് നല്ല ഡിമാന്‍ഡുമാണിപ്പോള്‍. എന്നാലും മത്തികിട്ടിയാല്‍ മുളകിട്ടുവയ്ക്കുകയും പൊരിക്കുകയും തന്നെയാണ് നമ്മള്‍ ഇപ്പോഴും ചെയ്യുക. എന്നാല്‍ ഇന്നു മത്തിയില്‍ തേയ്ക്കുന്ന മസാല ഒന്നു മാറ്റിപ്പിടിച്ചാലോ. ഒരടിപൊളി വറൈറ്റി ഫ്രൈ നമുക്ക് തയാറാക്കി നോക്കാം.

നല്ല വൃത്തിയാക്കിയ മത്തി വരഞ്ഞ് അതിലേക്ക് മുളകുപൊടിയും മഞ്ഞപ്പൊടിയും ഉപ്പും വെളുത്തുള്ളിയും ഇഞ്ചിയും ചതച്ചതും ചേര്‍ത്ത് മിക്‌സിയുടെ ജാറിലേക്ക് കുറച്ച് ചെറിയ ഉള്ളിയും കുറച്ചു കുരുമുളകും രണ്ടോ മൂന്നോ കഷണം പച്ചമാങ്ങയും ചേര്‍ത്ത് നന്നായി അരച്ചെടുക്കുക. ഇതെല്ലാം കൂടെ യോജിപ്പിച്ച് മീനില്‍ തേച്ചു പിടിപ്പിക്കുക.

അരമണിക്കൂര്‍ വച്ച ശേഷം പാനില്‍ വെളിച്ചെണ്ണ ഒഴിച്ചു പൊരിച്ചെടുക്കാം. കറിവേപ്പില ഇട്ടു വേണം ഫ്രൈ ചെയ്യാന്‍.നല്ലൊരു മണവും രുചിയുമായിരിക്കും. അടിപൊളി മത്തി ഫ്രൈ തയാര്‍.  ഇത് വളരെ എളുപ്പവും രുചികരവുമാണ്. ഉണ്ടാക്കാന്‍ മറക്കല്ലേ...