ദുബൈ: ദുബൈ ഗ്ലോബല്‍ വില്ലേജിലേക്കുള്ള നാല് പ്രത്യേക ബസ് റൂട്ടുകളില്‍ സര്‍വീസ് പുനരാരംഭിച്ച് ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍ടിഎ). റാഷിദിയ ബസ് സ്റ്റേഷനില്‍ നിന്ന് ആരംഭിക്കുന്ന റൂട്ട് 102 ഓരോ 60 മിനിറ്റിലും സര്‍വീസ് നടത്തും. യൂണിയന്‍ ബസ് സ്‌റ്റേഷനില്‍ നിന്നുള്ള റൂട്ട് 103, 40 മിനിറ്റ് ഇടവേളയിലും, അല്‍ ഗുബൈബ ബസ് സ്‌റ്റേഷനില്‍ നിന്നുള്ള റൂട്ട് 104, മാള്‍ ഓഫ് ദി എമിറേറ്റ്‌സ് ബസ് സ്‌റ്റേഷനില്‍ നിന്നുള്ള റൂട്ട് 106 തുടങ്ങിയവ 60 മിനിറ്റ് വീതം ഇടവേളകളിലുമാണ് സര്‍വീസ് നടത്തുക.

ഗ്ലോബല്‍ വില്ലേജിലേക്കും തിരിച്ചും യാത്ര ചെയ്യുന്ന സന്ദര്‍ശകര്‍ക്കും കുടുംബങ്ങള്‍ക്കും സുരക്ഷിതവും ആസ്വാദ്യകരവുമായ യാത്രാ ഉറപ്പാക്കാന്‍ ഈ റൂട്ടുകളില്‍ അധികവും കോച്ച് ബസുകളാണ് ഉപയോഗിക്കുന്നത്. ആര്‍ടിഎയുടെ ഗ്ലോബല്‍ വില്ലേജ് ബസ് സര്‍വീസ് 2023-2024 കാലഘട്ടത്തില്‍ 573,759 യാത്രക്കാര്‍ക്ക് സേവനം നല്‍കിയിരുന്നു. മുന്‍ സീസണില്‍ (2022-2023) ഇത് 448,716 ആയിരുന്നു. 22% വര്‍ധനയാണ് കഴിഞ്ഞ സീസണില്‍ യാത്രക്കാരുടെ എണ്ണത്തിലുണ്ടായത്.

2024-2025 സീസണില്‍ ഗ്ലോബല്‍ വില്ലേജിലേക്കുള്ള ടൂറിസ്റ്റ് അബ്ര സേവനങ്ങളും ആര്‍ടിഎ പുനരാരംഭിച്ചിട്ടുണ്ട്. മാത്രമല്ല അതിഥികള്‍ക്ക് സേവനം നല്‍കാനായി രണ്ട് ഇലക്ട്രിക് പവര്‍ അബ്രകളും സീസണിലുടനീളം ഏര്‍പ്പെടുത്തിയിട്ടുണ്ട്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Dubai's Roads and Transport Authority (RTA) has reinstated four special bus routes connecting to Global Village, enhancing accessibility for visitors.