പാലക്കാട്: ഉപതെരഞ്ഞെടുപ്പ് ഫലം പൂര്‍ണമായതോടെ വയനാട്ടില്‍ യുഡിഎഫ് സ്ഥാനാര്‍ഥി പ്രിയങ്കാ ഗാന്ധിയും പാലക്കാട്ട് യുഡിഎഫ് സ്ഥാനാര്‍ഥി രാഹുല്‍ മാങ്കൂട്ടത്തിലും ചേലക്കരയില്‍ എല്‍ഡിഎഫ് സ്ഥാനാര്‍ഥി യു.ആര്‍.പ്രദീപിനും മിന്നും വിജയം.

കന്നിയങ്കത്തില്‍ ആറ് ലക്ഷത്തിലധികം വോട്ടുകള്‍ നേടിയാണ് വയനാട്ടില്‍ പ്രിയങ്കയുടെ വിജയം. 622338 വോട്ടുകള്‍ നേടിയപ്പോള്‍ 410931 ആണ് ലീഡ് നില.  പാലക്കാടന്‍ കോട്ട കാത്ത രാഹുല്‍ മാങ്കൂട്ടം 58389 വോട്ടുകള്‍ നേടി. ഷാഫിയുടെ ഭൂരിപക്ഷം മറികടന്നാണ് രാഹുലിന്റെ വിജയം. 18840 ആണ് ലീഡ് നില. ചേലക്കരയില്‍ എല്‍ഡിഎഫ് സ്ഥാനാര്‍ഥി യു.ആര്‍.പ്രദീപ്, ഇടത് കോട്ട കാത്തു. 64827 വോട്ടുകളാണ് നേടിയത്.