HOME

DETAILS

 

MAL

പാചകവാതക ക്ഷാമം; ഇൻഡക്ഷൻ കുക്കറുകൾക്കായി വൻ തിരക്ക്; ഒരു ദിവസം വിറ്റത് 93 എണ്ണം: വൈറൽ വീഡിയോ

  

March 14, 2026 | 7:13 AM

വിശാഖപട്ടണം: പശ്ചിമേഷ്യൻ പ്രതിസന്ധി ആഗോളതലത്തിൽ ഇന്ധനക്ഷാമമുണ്ടാക്കുമെന്ന ആശങ്ക നിലനിൽക്കുന്നുണ്ട്. ഈ സാഹചര്യത്തിൽ ബദൽ മാർഗങ്ങൾ ജനങ്ങൾ തേടുകയാണ്. ഇതിനു​ദാഹരണമാണ് ആന്ധ്രാപ്രദേശിലെ വിശാഖപട്ടണത്ത് ഇൻഡക്ഷൻ കുക്കറുകൾ വാങ്ങാൻ കടകളിൽ ജനങ്ങൾ ക്യൂ നിൽക്കുന്ന ദൃശ്യങ്ങൾ. നഗരത്തിലെ പ്രശസ്തമായ 'ബോംബെ ഗ്യാസ്‌ലൈറ്റ് സ്റ്റോഴ്‌സിൽ' നിന്നുള്ള ഈ ദൃശ്യങ്ങൾ ഇപ്പോൾ സമൂഹമാധ്യമങ്ങളിൽ വൈറലാണ്. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Nasser Saleh (@nasser__saleh)

പാചകവാതക വിതരണത്തിൽ തടസമുണ്ടാകുമെന്ന ഭയമാണ് ജനങ്ങളെ ഇൻഡക്ഷൻ കുക്കറുകളിലേക്ക് ആകർഷിക്കുന്നത്. പ്രതിദിനം രണ്ടോ, മൂന്നോ ഇൻഡക്ഷൻ കുക്കറുകൾ മാത്രം വിറ്റുപോയിരുന്ന കടയിൽ, കഴിഞ്ഞ രണ്ട് ദിവസത്തിനുള്ളിൽ വിറ്റുപോയത് നൂറിലധികം ഇൻഡക്ഷൻ കുക്കറുകളാണ്. ഒരു ദിവസം മാത്രം 93 യൂണിറ്റുകൾ വിറ്റതായും കടയുടമ പറയുന്നു.

ALSO READ: പാചകവാതക ക്ഷാമം: ഹോസ്റ്റലുകൾ കൂട്ടത്തോടെ പൂട്ടുന്നു; താമസക്കാർ ദുരിതത്തിൽ

പ്രതിസന്ധി മുന്നിൽ കണ്ട് കടയുടമ നേരത്തെ തന്നെ വൻതോതിൽ ഇൻഡക്ഷൻ കുക്കറുകൾ സ്റ്റോക്ക് എത്തിച്ചിരുന്നു. ഇന്ധന പ്രതിസന്ധിയെ മറികടക്കാൻ നഗരവാസികൾ നടത്തുന്ന മുൻകരുതലാണ് ഡിമാൻഡ് വർധിക്കാനുള്ള പ്രധാന കാരണമെന്ന് കടയുടമയുടെ മകൻ നാസർ സാലിഹ് പറഞ്ഞു. നിലവിൽ കടയിലെ ബില്ലിംഗ് കൗണ്ടറുകളിൽ ഇൻഡക്ഷൻ കുക്കറുകൾക്കായി നീണ്ട ക്യൂവാണ് അനുഭവപ്പെടുന്നത്.

വീഡിയോ വൈറലായതോടെ നിരവധി പേർ കമന്റുകളുമായെത്തി. പ്രതിസന്ധി ഘട്ടങ്ങളിൽ ജനങ്ങൾ കാണിക്കുന്ന ദീർഘവീക്ഷണത്തെയും, കടയുടമയുടെ ബിസിനസ് തന്ത്രത്തെയും നിരവധി പേർ പ്രശംസിച്ചു. അതേസമയം, ഇൻഡക്ഷൻ കുക്കറുകളുടെ അമിത ഉപയോഗം ഭാവിയിൽ വൈദ്യുതി പ്രതിസന്ധിക്ക് കാരണമാകുമോ എന്ന ആശങ്കയും ചിലർ പങ്കുവെക്കുന്നുണ്ട്.

Amidst global fuel shortage fears due to West Asia tensions, people in Andhra Pradesh's Vizag are seeking alternatives, flocking to stores to buy induction cookers, as seen in viral videos from 'Bombay Gaslight Stores' [1].