റിയാദ്: രാജ്യത്ത് വാണിജ്യ, വ്യവസായ സരംഭങ്ങൾ തുടങ്ങുന്ന നിക്ഷേപകരെ പിന്തുണയ്ക്കാൻ പ്രത്യേക കോടതികൾ സ്ഥാപിക്കാനൊരുങ്ങി സഊദി അറേബ്യ. നിക്ഷേപവുമായി ബന്ധപ്പെട്ട തർക്കങ്ങൾ തീർപ്പാക്കുന്നതിനാണ് പ്രത്യേക കോടതികൾ ആരംഭിക്കുന്നത്. നിക്ഷേപ മന്ത്രാലയം ഫെഡറേഷൻ ഓഫ് സഊദി ചേംബേഴ്സിന് അയച്ച കത്തിലാണ് ഈ വിവരമുള്ളത്. 

കോടതി സ്ഥാപിക്കേണ്ടതിന്റെ ആവശ്യകത എത്രത്തോളം ഉണ്ടെന്നറിയാൻ നിരവധി പ്രധാന മേഖലകളിൽ പ്രവർത്തിക്കുന്ന സർക്കാർ ഏജൻസികളോടും അഭിപ്രായം അന്വേഷിച്ചിട്ടുണ്ട്. പ്രത്യേക നിക്ഷേപ കോടതികൾ ലക്ഷ്യമിടുന്നത് രാജ്യത്തെ നീതിന്യായ വ്യവസ്ഥയിൽ നിക്ഷേപകരുടെ വിശ്വാസം വർധിപ്പിക്കുകയും പ്രാദേശിക, ആഗോള തലങ്ങളിൽ ഒരു നിക്ഷേപ കേന്ദ്രമാക്കി മാറ്റുകയുമാണ്.

രാജ്യത്ത് നടക്കുന്ന പെട്ടെന്നുള്ള നിയമനിർമാണ, ജുഡീഷ്യൽ സംഭവവികാസങ്ങളുടെ ചട്ടക്കൂടിനകത്താണ് ഈ നടപടിയെന്നും നിക്ഷേപ മന്ത്രാലയം സൂചിപ്പിച്ചു. ‘വിഷൻ 2030 ന്റെയും ദേശീയ നിക്ഷേപ പദ്ധതിയുടെയും ലക്ഷ്യങ്ങൾക്ക് അനുസൃതമായി വികസന ചക്രത്തെ പിന്തുണയ്ക്കുന്നതിന് കൂടിയാണിതെന്നും മന്ത്രാലയം പറഞ്ഞു.

Saudi Arabia is set to establish specialized courts for investors, aiming to improve the business environment and attract foreign investment.