കൊല്ലം: മുണ്ടക്കലില്‍ സ്‌കൂട്ടര്‍ അപകടത്തില്‍ പരുക്കേറ്റ് ആശുപത്രിയില്‍ ചികിത്സയിലായിരുന്ന വയോധിക മരിച്ചു. കഴിഞ്ഞ ദിവസം നടന്ന അപകടത്തില്‍ ഗുരുതരമായി പരുക്കേറ്റ 63 കാരി സുശീലയാണ് മരിച്ചത്.

വ്യാഴാഴ്ച വൈകിട്ടാണ് മുണ്ടക്കല്‍ തുമ്പ്രയില്‍ വെച്ച് 15കാരന്‍ ഓടിച്ച സ്‌കൂട്ടര്‍ സുശീലയെ ഇടിച്ചിട്ടത്. വയോധികയെ ഇടിച്ചിട്ട ശേഷം ഇവര്‍ കടന്നുകളയുകയായിരുന്നു. മുണ്ടക്കല്‍ തില്ലേരി സ്വദേശിയുടെ ഉടമസ്ഥതയില്‍ ഉള്ള സ്‌കൂട്ടര്‍ ഈസ്റ്റ് പൊലീസ് പിടികൂടിയിരുന്നു. തലയ്ക്ക് പരുക്കേറ്റ സുശീല അതീവ ഗുരുതരാവസ്ഥയില്‍ ചികിത്സയില്‍ കഴിയവേയാണ് മരിച്ചത്. 

അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നിരുന്നു. അപകടം നടന്ന ഉടനെ യുവതി സ്‌കൂട്ടറില്‍ നിന്ന് ഇറങ്ങി മാറി നില്‍ക്കുന്നതും വാഹനം ഒതുക്കാനെന്ന രീതിയില്‍ അരികിലേക്ക് മാറിയശേഷം സ്‌കൂട്ടര്‍ മെല്ലെ ഓടിച്ച് നീക്കിയശേഷം യുവാവ് യുവതിയെയും കയറ്റി പോകുന്നതും ദൃശ്യങ്ങളിലുണ്ട്.