റിയാദ്: പരസ്പര വിസ ഇളവ് നൽകുന്ന ഒരു സുപ്രധാന കരാറിൽ ഒപ്പുവച്ച് സഊദി അറേബ്യയും റഷ്യയും. റിയാദിൽ നടന്ന സഊദി-റഷ്യൻ ഇൻവെസ്റ്റ്‌മെന്റ് ഫോറത്തിൽ വെച്ചാണ് സഊദി വിദേശകാര്യ മന്ത്രിയും റഷ്യൻ ഉപപ്രധാനമന്ത്രിയും ഈ കരാർ അംഗീകരിച്ചത്.

കരാറിന്റെ പ്രധാന വിവരങ്ങൾ:

ആർക്കൊക്കെ യാത്ര ചെയ്യാം: നയതന്ത്ര ഉദ്യോഗസ്ഥർക്ക് മാത്രമല്ല, സാധാരണ പാസ്‌പോർട്ട് (Ordinary Passport) കൈവശമുള്ള സാധാരണക്കാർക്കും ഈ ആനുകൂല്യം ലഭിക്കും.

യാത്രാ ലക്ഷ്യങ്ങൾ: വിനോദസഞ്ചാരം (Tourism), ബിസിനസ്, കുടുംബാംഗങ്ങളെയും സുഹൃത്തുക്കളെയും സന്ദർശിക്കൽ എന്നിവയ്ക്കായി വിസയില്ലാതെ യാത്ര ചെയ്യാം.

ALSO READ: അനധികൃതമായി ഫാമിലി റെസിഡൻഷ്യല്‍ ഏരിയകളില്‍ താമസിക്കുന്ന ബാച്ചിലേഴ്സിനെതിരെ നടപടിയുമായി കുവൈത്ത്

കാലയളവ്: ഒരു വർഷത്തിൽ പരമാവധി 90 ദിവസം വരെ വിസയില്ലാതെ ഇരു രാജ്യങ്ങളിലും തങ്ങാൻ അനുമതിയുണ്ട്. ഇത് ഒറ്റത്തവണയായോ പല തവണകളായോ ഉപയോഗിക്കാം.

അതേസമയം, തൊഴിൽ, പഠനം, സ്ഥിരതാമസം, ഹജ്ജ് എന്നിവയ്ക്ക് ഈ വിസ ഇളവ് ബാധകമല്ല. ഇത്തരം ആവശ്യങ്ങൾക്ക് പതിവുപോലെ വിസ എടുക്കേണ്ടതുണ്ട്.

സഊദി അറേബ്യ സാധാരണ പാസ്‌പോർട്ട് ഉള്ളവർക്ക് വിസ രഹിത യാത്രാ സൗകര്യം അനുവദിക്കുന്ന ആദ്യത്തെ രാജ്യമാണ് റഷ്യ. ഇരു രാജ്യങ്ങളും തമ്മിലുള്ള ടൂറിസം, സാമ്പത്തിക സഹകരണം എന്നിവ വളർത്താൻ ഇത് സഹായിക്കുമെന്ന് അധികൃതർ അറിയിച്ചു.

Saudi Arabia and Russia have signed a mutual visa exemption agreement, allowing citizens of both countries to visit each other without visas for up to 90 days within a calendar year. The agreement, signed on the sidelines of the Saudi-Russian Investment and Business Forum in Riyadh, aims to boost tourism, business, and cultural exchange between the two nations.