ഹൈദരാബാദ്: 2024 സന്തോഷ്‌ ട്രോഫി കിരീടം സ്വന്തമാക്കി പശ്ചിമ ബംഗാൾ. ഹൈദരാബാദിലെ ജിഎംസി ബാലയോഗി സ്റ്റേഡിയത്തിൽ നടന്ന മത്സരത്തിൽ  കേരളത്തിനെ എതിരില്ലാത്ത ഒരു ഗോളിനാണ് ബംഗാൾ പരാജയപ്പെടുത്തിയത്. ബംഗാളിന്റെ മുപ്പത്തിമൂന്നാം സന്തോഷ്‌ ട്രോഫി കിരീടനേട്ടമാണിത്.

മത്സരത്തിന്റെ ആദ്യ പകുതിയിൽ ഇരുടീമുകൾക്കും ഗോളുകൾ നേടാൻ സാധിച്ചിരുന്നില്ല. ആദ്യ പകുതിയിൽ മികച്ച മുന്നേറ്റങ്ങളാണ് നടത്തിയിരുന്നത്. എങ്കിലും കേരളത്തിനും ബംഗാളിനും സ്കോർ ലൈൻ ചലിപ്പിക്കാൻ സാധിക്കാതെ പോവുകയായിരുന്നു. 

ഒടുവിൽ മത്സരം അവസാനിക്കാൻ നിമിഷങ്ങൾ മാത്രം ബാക്കി നിൽക്കെ ഇഞ്ചുറി ബംഗാൾ ഗോൾ നേടുകയായിരുന്നു ബംഗാള്‍. റോബി ഹൻഷദയുടെ ബൂട്ടുകളിൽ നിന്നുമാണ്‌ ബംഗാളിന്റെ വിജയഗോൾ പിറന്നത്. മത്സരത്തില്‍ ഇതുവരെ നടത്തിയ പ്രകടനം തുടരാന്‍ ഇന്നലെ കേരളത്തിന് കഴിഞ്ഞില്ല. ഒരു മത്സരത്തില്‍ പോലും തോല്‍ക്കാതെ ഫൈനലിലെത്തിയ കേരളം പക്ഷേ ഇന്നലെ കളിമറന്നു.