ന്യൂഡല്‍ഹി: 10 തൊഴിലാളി സംഘടനകള്‍ സംയുക്തമായി ആഹ്വാനം ചെയ്ത 24 മണിക്കൂര്‍ ദേശീയ പണിമുടക്ക് ഉത്തരേന്ത്യന്‍ സംസ്ഥാനങ്ങളില്‍ കാര്യമായി ബാധിച്ചില്ല.



തലസ്ഥാനമായ ഡല്‍ഹിയിലും മുംബൈയിലും ജനജീവിതം സാധാരണനിലയിലായിരുന്നു.



സ്വകാര്യ ബസുകളെല്ലാം നിരത്തിലിറങ്ങി. അത്യാവശ്യ സേവനങ്ങളായ വൈദ്യുതി, കുടിവെള്ള വിതരണം എന്നിവയെ പണിമുടക്കു ബാധിച്ചില്ല.




പൊതുമേഖലാ ബാങ്കുകള്‍ പണിമുടക്കില്‍ പങ്കെടുത്തപ്പോള്‍ സ്വകാര്യമേഖലാ ബാങ്കുകള്‍ തുറന്നുപ്രവര്‍ത്തിച്ചു.



രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ ഡല്‍ഹിയില്‍ പണിമുടക്കില്‍ പങ്കെടുത്തില്ല.



നഴ്‌സുമാരും റേഡിയോളജിസ്‌ററുമാരും വേതന വര്‍ധനവാവശ്യപ്പെട്ടു പ്രത്യേക സമരം പ്രഖ്യാപിച്ചിരുന്നെങ്കിലും അടിയന്തിര സാഹചര്യത്തില്‍ ജോലിക്കാജരാകുമെന്ന് സംഘടനകള്‍ വ്യക്തമാക്കി.




ബംഗാളില്‍ ഒഫിസുകളും ഫാക്ടറികളും തുറന്നു പ്രവര്‍ത്തിച്ചു. ബസുകളും ടാക്‌സികളും ഓടുന്നുണ്ട്.