കൊൽക്കത്ത: തമിഴ്‌നാട്ടിലും ബംഗാളിലും എച്ച്എംപി വൈറസ് സ്ഥിരീകരിച്ചു. തമിഴ്‌നാട്ടിൽ രണ്ട് കുട്ടികൾക്ക് വൈറസ് ബാധ സ്ഥിരീകരിച്ചു. കൊൽക്കത്തയിൽ അഞ്ചു മാസം പ്രായമായ കുഞ്ഞിനാണ് വൈറസ് ബാധ സ്ഥിരീകരിച്ചത്.  ഇതോടെ രാജ്യത്തെ എച്ച്എംപി വൈറസ് ബാധിതരുടെ എണ്ണം ആറായി.

രണ്ട് മാസം പ്രായമുള്ള കുഞ്ഞിനാണ് ഗുജറാത്തിൽ രോഗബാധ കണ്ടെത്തിയത്. കുഞ്ഞ് അഹമ്മദാബാദിലെ സ്വകാര്യ ആശുപത്രിയിൽ ചികിത്സയിലാണ്. ബെംഗളൂരുവിൽ സ്വകാര്യ ആശുപത്രിയിൽ ചികിത്സയിൽ കഴിയുന്ന എട്ടു മാസം പ്രായമുള്ള കുഞ്ഞിനും വൈറസ് ബാധ സ്ഥിരീകരിച്ചിരുന്നു.

ചൈനയിൽ അതിവേഗം പടർന്നു കൊണ്ടിരിക്കുന്ന ഹ്യൂമൻ മെറ്റാന്യൂമോവൈറസ് (എച്ച്എംപിവി) സംബന്ധിച്ച് ആശങ്കപ്പെടേണ്ടതില്ലെന്ന് കേന്ദ്ര ആരോഗ്യ മന്ത്രാലയവും ഡയറക്ടറേറ്റ് ജനറൽ ഓഫ് ഹെൽത്ത് സർവിസും നേരത്തെ അറിയിച്ചിരുന്നു. ജലദോഷത്തിന് കാരണമാകുന്ന ഒരു സാധാരണ ശ്വസനപ്രശ്‌നം മാത്രമാണിതെന്നാണ് അധികൃതർ അറിയിച്ചിട്ടുള്ളത്.

The Nipah virus has been confirmed in Tamil Nadu and Bengal, taking India's total tally to six.Nipah Virus, Tamil Nadu, Bengal, India