ഷാര്‍ജ: ലോകപ്രശസ്തമായ ഷാര്‍ജ ലിറ്ററേച്ചര്‍ ഫെസ്റ്റിവലിന്റെ ഈ വര്‍ഷത്തെ എഡിഷന് ജനുവരി 17ന് തുടക്കമാകും. സാഹിത്യത്തിനും കലാശേഷിയ്ക്കും ലോകമെമ്പാടുമുള്ള ആളുകള്‍ക്കിടയില്‍ അകലം കുറക്കുകയാണ് ഈ ഫെസ്റ്റിവലിന്റെ ലക്ഷ്യം. വിവിധ രാജ്യങ്ങളില്‍നിന്നുള്ള പ്രശസ്ത എഴുത്തുകാരും കവികളും ചര്‍ച്ചകളിലും സെമിനാറുകളിലും പങ്കുചേരുന്നതിലൂടെ, സാഹിത്യ ലോകത്തിന്റെ വിശാലമായ പരിധികള്‍ പ്രകടമാക്കും.

ഈ വര്‍ഷത്തെ പ്രത്യേക ആകര്‍ഷണങ്ങളില്‍ പുതിയ പുസ്തകങ്ങളുടെ പ്രകാശനം, സാഹിത്യ രചനാ വര്‍ക്ക്‌ഷോപ്പുകള്‍, തത്സമയ ചര്‍ച്ചകള്‍, എന്നിവ ഉള്‍പ്പെടുന്നു. കുട്ടികളുടെയും മുതിര്‍ന്നവരുടെയും പങ്കാളിത്തത്തിനായി പ്രത്യേക പരിപാടികള്‍ ഒരുക്കിയിരിക്കുന്നതും ശ്രദ്ധേയമാണ്.

വിപണിയില്‍ നിന്നും സംസ്‌കരിച്ച പെപ്പറോണി ബീഫ് പിന്‍വലിക്കാന്‍ യുഎഇ

ഫെസ്റ്റിവലിന്റെ പ്രധാന ഭാഗം കലയും സംസ്‌കാരവും സംയോജിപ്പിക്കുന്നതായിരിക്കും. അറബിയും മറ്റ് ആഗോള ഭാഷകളും സംയോജിപ്പിക്കുന്നതിലൂടെ സാഹിത്യത്തിന്റെ സമ്പത്തിനെ എങ്ങനെ കൂടുതല്‍ പേരിലേക്ക് എത്തിക്കാം അന്നതിലടക്കം ചര്‍ച്ചകള്‍ ഉണ്ടാകും. ഷാര്‍ജയിലെ ഈ ഗ്രന്ഥോത്സവം അറബ് ലോകത്തെ എഴുത്തുകാര്‍ക്ക് അവരുടെ കഴിവുകള്‍ പ്രദര്‍ശിപ്പിക്കാനുള്ള മികച്ച വേദിയായി മാറും.

വായനയും എഴുത്തും പ്രോത്സാഹിപ്പിക്കുന്നതിലൂടെ, നവസാഹിത്യശൈലികള്‍ ചിന്തിക്കുന്ന വേദിയായി ഇത് മാറുന്നു. അതിനാല്‍തന്നെ സാംസ്‌കാരിക ആസ്വാദകര്‍ക്കും സാഹിത്യപ്രേമികള്‍ക്കും ഈ ഫെസ്റ്റിവല്‍ ഒരു മികച്ച അനുഭവമാകുമെന്നാണ് പ്രതീക്ഷിക്കപ്പെടുന്നത്.

'എമിറാത്തി കഥകള്‍ ഭാവിയെ പ്രചോദിപ്പിക്കുന്നു' എന്ന പ്രമേയത്തില്‍ ജനുവരി 17 മുതല്‍ 21 വരെ നടക്കുന്ന ഷാര്‍ജ ലിറ്ററേച്ചര്‍ ഫെസ്റ്റിവലിനായി നഗരം ഒരുങ്ങിക്കഴിഞ്ഞു.

ദുബൈ; പ്രായപൂര്‍ത്തിയാകാത്ത പെണ്‍കുട്ടിയെ ലിഫ്റ്റില്‍ കയറി ആക്രമിച്ച കേസില്‍ യുവാവിനെ നാടുകടത്താന്‍ ഉത്തരവിട്ട് കോടതി

സുപ്രീം കൗണ്‍സില്‍ അംഗവും ഷാര്‍ജ ഭരണാധികാരിയുമായ ഷെയ്ഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമിയുടെ രക്ഷാകര്‍തൃത്വത്തിലും ഷാര്‍ജ ബുക്ക് അതോറിറ്റി ചെയര്‍പേഴ്‌സണും എമിറേറ്റ്‌സ് പബ്ലിഷേഴ്‌സിന്റെ ഓണററി പ്രസിഡന്റുമായ ശൈഖ ബോദൂര്‍ ബിന്‍ത് സുല്‍ത്താന്‍ അല്‍ ഖാസിമിയുടെ മാര്‍ഗനിര്‍ദേശത്തിലാണ് ഫെസ്റ്റിവല്‍ നടക്കുന്നത്.

എമിറേറ്റ്‌സ് പബ്ലിഷേഴ്‌സ് അസോസിയേഷനും (ഇപിഎ) ഷാര്‍ജ ബുക്ക് അതോറിറ്റിയും (എസ്ബിഎ) സംയുക്തമായാണ് ഫെസ്റ്റിവല്‍ സംഘടിപ്പിക്കുന്നത്. ഷാര്‍ജയിലെ യൂണിവേഴ്‌സിറ്റി സിറ്റി ഹാളിന് എതിര്‍വശത്തുള്ള ഓപ്പണ്‍ ഏരിയയില്‍ 4 മണി മുതല്‍ 11 മണി വരെ വിവിദ പരിപാടികളോടെയാണ് പ്രവര്‍ത്തനങ്ങള്‍ നടക്കുക.

ദുബൈയിലെ യാര്‍ഡ് തൊഴിലാളി ഡുകാബിലെ മാര്‍ക്കറ്റിംഗ് ഓഫീസറായ കഥ

ഫെസ്റ്റിവലില്‍ യുഎഇയുടെ സമ്പന്നമായ സാഹിത്യ പൈതൃകം പ്രദര്‍ശിപ്പിക്കും. സന്ദര്‍ശകര്‍ക്ക് ഏറ്റവും പ്രമുഖരായ എമിറാത്തി എഴുത്തുകാര്‍, ചിന്തകര്‍, ക്രിയേറ്റീവ് പ്രസാധകര്‍ എന്നിവരുമായി സംവദിക്കാന്‍ സവിശേഷമായ അവസരം ഒരുക്കും. എഴുത്തിലും പ്രസിദ്ധീകരണത്തിലും പുതിയ ചക്രവാളങ്ങള്‍ പര്യവേക്ഷണം ചെയ്യാനും സംസ്‌കാരവും വിനോദവും സമന്വയിപ്പിക്കുന്ന ഊര്‍ജ്ജസ്വലമായ അന്തരീക്ഷം അനുഭവിക്കാനും ഫെസ്റ്റിവലിലൂടെ സാധിക്കും.

The Sharjah Literature Festival will begin on January 17