മുംബൈ: മഹാരാഷ്ട്രയിലെ താനെ നഗരത്തിലെ അഞ്ചു നില കെട്ടിടത്തില്‍ തീപിടിത്തം.  ഞായറാഴ്ച പുലര്‍ച്ചെയാണ് തിപിടിത്തമുണ്ടായത്. തീപിടിത്തത്തെ തുടര്‍ന്ന് 250 ഓളം താമസക്കാരെ ഒഴിപ്പിച്ചതായി അധികൃതര്‍ അറിയിച്ചു.

വാഗ്ലെ എസ്റ്റേറ്റ് ഏരിയയിലെ ശ്രീനഗറില്‍ സ്ഥിതി ചെയ്യുന്ന കെട്ടിടത്തിന്റെ താഴത്തെ നിലയിലുള്ള അലക്കു കടയില്‍ പുലര്‍ച്ചെ അഞ്ചോടെയാണ് തീപിടിത്തമെന്നും ആര്‍ക്കും പരിക്കില്ലെന്നും താനെ മുനിസിപ്പല്‍ കോര്‍പ്പറേഷന്‍ ഡിസാസ്റ്റര്‍ മാനേജ്‌മെന്റ് സെല്‍ മേധാവി യാസിന്‍ തദ്വി പറഞ്ഞു.

വിവരമറിയിച്ചതിനെ തുടര്‍ന്ന് പ്രാദേശിക അഗ്‌നിശമന സേനാംഗങ്ങളും റീജിയണല്‍ ഡിസാസ്റ്റര്‍ മാനേജ്‌മെന്റ് സെല്‍ ടീം അംഗങ്ങളും സ്ഥലത്തെത്തി കെട്ടിടത്തിലെ താമസക്കാരെ ഒഴിപ്പിച്ചു. ഒരു മണിക്കൂറിനുള്ളില്‍ തീ അണച്ചതിനെ തുടര്‍ന്ന് ആളുകളെ അവരുടെ അപ്പാര്‍ട്ടുമെന്റുകളിലേക്ക് മടങ്ങാന്‍ അനുവദിച്ചതായി ഉദ്യോഗസ്ഥര്‍ പറഞ്ഞു. തീപിടിത്തത്തിന്റെ കാരണം അന്വേഷിക്കുന്നതായും അദ്ദേഹം കൂട്ടിച്ചേര്‍ത്തു.

A fire broke out in a five-story building in Thane, Maharashtra, early on Sunday morning, causing the evacuation of around 250 residents. The fire started in a ground-floor shop but no casualties were reported. Authorities confirmed the safe evacuation of all tenants.