വയനാട്: വയനാട് പുല്‍പ്പള്ളിയില്‍ വീണ്ടും കടുവ ആക്രമണം. കേശവന്‍ എന്നയാളുടെ ആടിനെ കടുവ ഇന്ന് പുലര്‍ച്ച കൊന്നു. കുംകി ആനകളെ ഉപയോഗിച്ചുള്ള തിരച്ചില്‍ തുടരുന്നതിനിടെയാണ് വീണ്ടും കടുവയെത്തിയത്. പ്രദേശത്ത് കൂട് സ്ഥാപിച്ച വനം വകുപ്പ് ജനങ്ങള്‍ ജാഗ്രത പാലിക്കണമെന്ന് നിര്‍ദേശം നല്‍കിയിട്ടുണ്ട്. 

ഡോക്ടര്‍ അരുണ്‍ സക്കറിയയുടെ നേതൃത്വത്തില്‍ മൂന്ന് സംഘങ്ങളായാണ് തെരച്ചില്‍ നടത്തുന്നത്. നേരത്തെ കടുവയുടെ ആക്രമണമുണ്ടായ അമരക്കുനിയില്‍ നിന്ന് ഒന്നര കിലോമീറ്റര്‍ മാറിയാണ് പുതിയ സംഭവം.

കടുവയുടെ സാന്നിധ്യം കണ്ടെത്തിയതിനെ തുടര്‍ന്ന് കഴിഞ്ഞ ദിവസമാണ് പ്രദേശത്ത് വനം വകുപ്പ് കൂട് സ്ഥാപിച്ചത്. കടുവയെ ജനങ്ങള്‍ കണ്ടിട്ടുണ്ട്.രാവിലെ തന്നെ കടുവയെ മയക്കുവെടി വച്ച് പിടികൂടാനുള്ള ശ്രമത്തിലാണ് വനപാലകര്‍.  

കാപ്പി സെറ്റ്, തൂപ്ര, അമരക്കുനി പ്രദേശത്തെ ജനങ്ങള്‍ ജാഗ്രത പാലിക്കണമെന്ന് വനം വകുപ്പ് നിര്‍ദേശം നല്‍കിയിട്ടുണ്ട്. കടുവ ഭീതിയെ തുടര്‍ന്ന് വയനാട്, അമരക്കുനി മേഖലയിലെ സ്‌കൂളുകള്‍ക്ക് അവധി പ്രഖ്യാപിച്ചിട്ടുണ്ട്.

In a recent leopard attack in Pulpally, Wayanad, a goat belonging to Keshavan was killed. This incident occurred while search operations using kumki elephants were ongoing in the area.