അബൂദബിയിലെ വളർത്തുമൃഗ ഉടമകൾ ഇപ്പോൾ മൈക്രോചിപ്പ് ചെയ്ത പൂച്ചകളെയും നായ്ക്കളെയും ഒരു പുതിയ മൃഗ ഉടമസ്ഥത സേവനത്തിന് കീഴിൽ രജിസ്റ്റർ ചെയ്യേണ്ടതാണെന്ന് മുനിസിപ്പാലിറ്റി & ട്രാൻസ്പോർട്ട് വകുപ്പ് അറിയിച്ചു. 

അടുത്ത മാസം ഫെബ്രുവരി 3 ന് TAMM പോർട്ടലിൽ പുതിയ മൃഗ ഉടമസ്ഥാവകാശ സേവനം ലഭ്യമാകുമ്പോൾ വളർത്തുമൃഗങ്ങളുടെ ഉടമകൾക്ക് വെറ്റിനറി സൗകര്യങ്ങളിലേക്ക് പോയി അവരുടെ വളർത്തുമൃഗങ്ങളെ രജിസ്റ്റർ ചെയ്യാവുന്നതാണ്.

വ്യക്തിഗത വളർത്തുമൃഗ ഉടമകൾക്ക് പിഴ കൂടാതെ രജിസ്ട്രേഷൻ പൂർത്തിയാക്കാൻ ഒരു വർഷത്തെ ഗ്രേസ് പിരീഡ് ഉണ്ടായിരിക്കുമെന്നും മുനിസിപ്പാലിറ്റി ആൻഡ് ട്രാൻസ്പോർട്ട് വകുപ്പ് (DMT) വ്യക്തമാക്കി. എന്നാൽ, പൂച്ചകളും നായ്ക്കളും ഉള്ള സ്ഥാപനങ്ങൾ ആറുമാസത്തിനുള്ളിൽ രജിസ്ട്രേഷൻ നടപടികൾ പൂർത്തിയാക്കേണ്ടതുണ്ട്. അതേസമയം, ഇനിയൊരു അറിയിപ്പ് ഉണ്ടാകുന്നത് വരെ രജിസ്ട്രേഷൻ സൗജന്യമാണെന്നും DMT കൂട്ടിച്ചേർത്തു. ആവശ്യാനുസരണം മൃഗങ്ങളെ രജിസ്റ്റർ ചെയ്യാനും ഉടമസ്ഥാവകാശം കൈമാറാനും സ്ഥാപനങ്ങൾക്ക് കഴിയും.

Abu Dhabi is introducing a mandatory pet registration service starting February 3, requiring owners to register their microchipped cats and dogs to improve animal welfare and reduce stray populations