റായ്‌പുർ: ചത്തീസ്‌ഗഢിലെ ബീജാപൂരിലുണ്ടായ ഏറ്റുമുട്ടലിൽ സുരക്ഷാസേന 12 മാവോയിസ്റ്റുകളെ വധിച്ചു. ബിജാപൂർ ജില്ലയിലെ സൗത്ത് ബസ്‌തർ പ്രദേശത്തെ വനങ്ങളിൽ മാവോയിസ്റ്റുകളുടെ സാന്നിധ്യം സംബന്ധിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു മാവോയിസ്റ്റ് വിരുദ്ധ ഓപ്പറേഷൻ. ബുധനാഴ്‌ച രാത്രി സുക്‌മയിൽ നിന്ന് ആരംഭിച്ച ഓപ്പറേഷനിൽ 3,000 ത്തിലധികം സുരക്ഷാ ഉദ്യോഗസ്ഥരാണ് പങ്കെടുക്കുന്നത്. സംഭവസ്ഥലത്ത് നിന്നും ആയുധങ്ങളുടെയും സ്ഫോടകവസ്‌തുക്കളുടെയും ശേഖരം പിടിച്ചെടുത്തതായി പൊലിസ് അറിയിച്ചു.

കഴിഞ്ഞ കുറച്ച് മാസങ്ങളായി ചത്തീസ്ഗഢിൽ നടന്നുകൊണ്ടിരിക്കുന്ന മാവോയിസ്റ്റ് വിരുദ്ധ പ്രവർത്തനങ്ങളുടെ തുടർച്ചയാണ് ബീജാപൂരിലേതും. ജനുവരി ആറിന് നാരായൺപൂർ, ദന്തേവാഡ, ബീജാപൂർ ജില്ലയുടെ അതിർത്തിയിലുള്ള അബുജ്‌മദ് തുടങ്ങിയ മേഖലകളിൽ നടന്ന ഓപ്പറേഷനിൽ രണ്ട് സ്ത്രീകൾ ഉൾപ്പെടെ അഞ്ച് മാവോയിസ്റ്റുകൾ കൊല്ലപ്പെട്ടിരുന്നു. വിവിധ ഓപ്പറേഷനുകളിലായി സംസ്ഥാനത്ത് ഈ വർഷം 26 മാവോയിസ്റ്റുകൾ കൊല്ലപ്പെട്ടതായാണ് പൊലിസ് പറയുന്നത്.

In a recent encounter, security forces in Chhattisgarh have killed 12 Maoists, marking a significant blow to the Naxal movement in the region.