ഇന്ത്യൻ വിക്കറ്റ് കീപ്പർ ബാറ്റർ റിഷബ് പന്തിനെ ലഖ്‌നൗ സൂപ്പർ ജയന്റ്സിന്റെ പുതിയ ക്യാപ്റ്റനായി നിയമിച്ചിരുന്നു. ഇപ്പോൾ പന്തിന്റെ ക്യാപ്റ്റൻസിയെക്കുറിച്ച് സംസാരിക്കുകയാണ് ലഖ്‌നൗ ഉടമയായ സഞ്ജയ് ഗോയങ്കെ.

'നിലവിൽ എല്ലാവരും പറയുന്നത് മഹിയും രോഹിത്തുമാണ് ഐപിഎൽ ചരിത്രത്തിലെ ഏറ്റവും മികച്ച ക്യാപ്റ്റൻമാർ എന്നാണ്. എന്നാൽ എൻ്റെ വാക്കുകൾ അടയാളപ്പെടുത്തൂ. 10 വർഷത്തിന് ശേഷം  എംഎസ് ധോണിയും രോഹിത് ശർമ്മയും റിഷബ് പന്തുമാണ് ഐപിഎല്ലിലെ മികച്ച ക്യാപ്റ്റൻമാർ എന്ന് ആളുകൾ പറയും,' സഞ്ജയ് ഗോയങ്കെ പറഞ്ഞു.

മെഗാ ലേലത്തിൽ ദൽഹി ക്യാപ്പിറ്റൽസിൽ നിന്നുമാണ് പന്തിനെ ലഖ്‌നൗ സ്വന്തമാക്കിയത്. 27 കോടി രൂപയ്ക്കാണ് ലഖ്‌നൗ പന്തിനെ സ്വന്തമാക്കിയത്. ഇന്ത്യൻ പ്രീമിയർ ലീഗിന്റെ ചരിത്രത്തിൽ മെഗാ ലേലത്തിൽ ഒരു താരത്തിന് ലഭിക്കുന്ന ഏറ്റവും ഉയർന്ന തുകയാണിത്.