ദുബൈ: യുഎഇയിലെ തന്ത്രപ്രധാന മേഖലകളെ ലക്ഷ്യമിട്ട് പ്രതിദിനം 200,000 സൈബര്‍ ആക്രമണങ്ങള്‍ നടക്കുന്നുവെന്ന് റിപ്പോര്‍ട്ടുകള്‍. സര്‍ക്കാര്‍ സ്ഥാപനങ്ങളും ഈ ആക്രമണങ്ങളുടെ ആഘാതം വഹിക്കുന്നുണ്ടെന്ന് യുഎഇ സൈബര്‍ സുരക്ഷാ കൗണ്‍സില്‍ തിങ്കളാഴ്ച റിപ്പോര്‍ട്ട് ചെയ്തു.

14 രാജ്യങ്ങളിലെ സൈബര്‍ തീവ്രവാദ ഗ്രൂപ്പുകളില്‍ നിന്ന് ഉത്ഭവിച്ച ആക്രമണങ്ങള്‍ വിജയകരമായി കണ്ടെത്തുകയും നേരിടുകയും ചെയ്തതായി കൗണ്‍സില്‍ ഉദ്യോഗസ്ഥരെ ഉദ്ധരിച്ച് പ്രാദേശിക വാര്‍ത്താ ഏജന്‍സി വാം റിപ്പോര്‍ട്ട് ചെയ്തു.

സര്‍ക്കാര്‍ മേഖലകളാണ് സൈബര്‍ ആക്രമണങ്ങളുടെ പ്രാഥമിക ലക്ഷ്യം. ആക്രമണങ്ങളില്‍ 30 ശതമാനവും സാമ്പത്തിക, ബാങ്കിംഗ്, വിദ്യാഭ്യാസ മേഖലകളെ ലക്ഷ്യമിട്ടാണ് നടക്കുന്നത്. ഏവിയേഷന്‍, ഹെല്‍ത്ത്‌കെയര്‍, ടെക്‌നോളജി മേഖലകള്‍ മൊത്തം ആക്രമണത്തിന്റെ നാല് ശതമാനം വീതവും നേരിടുന്നു.

2025ലെ അത്യാധുനിക ആക്രമണങ്ങള്‍ക്ക് സാധ്യയുണ്ടെന്നും അധികൃതര്‍ വ്യക്തമാക്കി. ഇനി നടക്കാനുള്ള ആക്രമണങ്ങളില്‍ പ്രത്യേകിച്ച് എഐ സാങ്കേതികവിദ്യകള്‍ പ്രയോജനപ്പെടുത്തുന്നതില്‍ വന്‍ കുതിപ്പ് കാണാന്‍ സാധ്യതയുണ്ടെന്ന് കൗണ്‍സില്‍ മുന്നറിയിപ്പ് നല്‍കി. ദേശീയ സൈബര്‍ സുരക്ഷാ മാനദണ്ഡങ്ങള്‍ പാലിക്കുന്നത് ശക്തിപ്പെടുത്താന്‍ ഉദ്യോഗസ്ഥര്‍ പൊതുസ്വകാര്യ മേഖലകളോട് അഭ്യര്‍ത്ഥിച്ചു.

According to reports, the UAE's strategic sectors face two lakh cyber attacks every day