ഏഴിമല: താന്‍സാനിയന്‍ നേവി കമാന്‍ഡര്‍ റിയര്‍ അഡ്മിറല്‍ ആര്‍.എസ് ലസ്‌വായ് ഏഴിമല നാവിക അക്കാദമി സന്ദര്‍ശിച്ചു. നാവിക അക്കാദമിയിലെത്തിയ ലസ്‌വായിയെ കമാന്‍ഡന്റ് റിയര്‍ അഡ്മിറല്‍ എം.ഡി സുരേഷിന്റെ നേതൃത്വത്തില്‍ സ്വീകരിച്ചു. അക്കാദിമിയിലെ ട്രെയിനിങ് രീതിയും പരിശീലന സൗകര്യങ്ങളും നോക്കിക്കണ്ട അദ്ദേഹം ഇവിടെ പരിശീലനത്തിലുള്ള താന്‍സാനിയയില്‍ നിന്നുള്ളവരോടും കാര്യങ്ങള്‍ ചോദിച്ചറിഞ്ഞു. താന്‍സാനിയയിലെ പരിശീലന സംവിധാനങ്ങളും അദ്ദേഹം വിശദീകരിച്ചു.
അവിടെ നിന്നുള്ള നാലു കേഡറ്റുകളാണു ഏഴിമലയില്‍ നിന്നു പരിശീലനം പൂര്‍ത്തിയാക്കിയത്. താന്‍സാനിയന്‍ പ്രതിരോധ വിദഗ്ധന്‍ കേണല്‍ എ.എസ്.എംവാമി, ഇന്ത്യന്‍ പ്രതിരോധ സേനയിലെ ക്യാപ്റ്റന്‍ എം മഹേഷ് എന്നിവരും അദ്ദേഹത്തോടൊപ്പം ഉണ്ടായിരുന്നു.