നാദാപുരം: സംയുക്ത ട്രേഡ് യൂനിയന്‍ പ്രഖ്യാപിച്ച പണിമുടക്ക് നാദാപുരം മേഖലയില്‍ പൂര്‍ണം. മണ്ഡലത്തിലെ പത്തു പഞ്ചായത്തിലും പണിമുടക്ക് പൂര്‍ണമായിരുന്നു. കടകമ്പോളങ്ങളെല്ലാം അടഞ്ഞുകിടന്നു. ഇരുചക്ര വാഹനങ്ങളൊഴിച്ചു മറ്റു വാഹനങ്ങളൊന്നും നിരത്തിലിറങ്ങിയില്ല. ഒരിടത്തും അക്രമ സംഭവങ്ങള്‍ റിപ്പോര്‍ട്ട് ചെയ്യപ്പെട്ടില്ല.
വാടക കെട്ടിടത്തില്‍ താമസിക്കുന്ന ഇതരസംസ്ഥാന തൊഴിലാളികള്‍ ആളൊഴിഞ്ഞ കല്ലാച്ചിയിലെ സംസ്ഥാനപാതയില്‍ കളിക്കളം തീര്‍ത്തു പണിമുടക്കുദിനം ആസ്വദിച്ചത് അപൂര്‍വ കാഴ്ചയായി.
കിട്ടിയ അവധി ദിവസം ഇവര്‍ ക്രിക്കറ്റ് കളിക്കാനുള്ള അവസരമാക്കിമാറ്റി. കാല്‍ നടക്കാരും ടൗണിലെത്തിയ പരിസരവാസികളും ഏറെനേരം കളി കണ്ടു നിന്നതു കൗതുകമായി.