അബൂദബി: രാജ്യത്തെ ഏറ്റവും പുതിയ കാലാവസ്ഥാ വിവരങ്ങള്‍ യു.എ.ഇയുടെ ദേശീയ കാലാവസ്ഥാ കേന്ദ്രം (എന്‍.സി.എം) പുറത്തുവിട്ടു. ഇന്നു രാത്രിയും നാളെ (ഫെബ്രുവരി 8) രാവിലെയും ചിലഭാഗങ്ങളില്‍ മഴയ്ക്ക് സാധ്യതയുണ്ടെന്നാണ് പ്രധാന പ്രവചനം. ഒപ്പം ഭാഗികമായി മേഘാവൃതമായ ദിവസമായിരിക്കും ഇന്ന്. ചിലപ്പോള്‍ പൊടിപടലമുണ്ടാകാനും സാധ്യതയുണ്ട്. ചില തീരദേശ, വടക്കന്‍ പ്രദേശങ്ങളിലും ദ്വീപുകളിലും ആകാശം മേഘാവൃതമാകും. പ്രത്യേകിച്ച് രാത്രിയിലും ശനിയാഴ്ച രാവിലെയും നേരിയ മഴയ്ക്ക് സാധ്യതയുണ്ട്.

മറ്റ് പ്രധാന പ്രവചനങ്ങള്‍

•  ദുബൈയിലും അബൂദബിയിലും കൂടുതലും വെയില്‍ അനുഭവപ്പെടും.
   പരമാവധി, കുറഞ്ഞ താപനില 29 ഡിഗ്രി സെല്‍ഷ്യസിനും 14 ഡിഗ്രി സെല്‍ഷ്യസിനും ഇടയിലായിരിക്കും.
   ഇന്ന് രാത്രിയും ശനിയാഴ്ച രാവിലെയും രാജ്യത്തുടനീളമുള്ള കാലാവസ്ഥ ഈര്‍പ്പമുള്ളതായിരിക്കും. ചില പടിഞ്ഞാറന്‍ പ്രദേശങ്ങളില്‍ മൂടല്‍മഞ്ഞ് രൂപപ്പെടാനുള്ള സാധ്യതയുണ്ട്.
   നേരിയതോ മിതമായതോ ആയ തെക്കുകിഴക്ക്, വടക്കുപടിഞ്ഞാറന്‍ കാറ്റായി മാറുകയും ചിലപ്പോള്‍ മണിക്കൂര്‍ 40 കി.മീ/മണിക്കൂര്‍ വേഗതയില്‍ വീശുകയും ചെയ്യും. 
   അറേബ്യന്‍ ഗള്‍ഫില്‍ വൈകുന്നേരം കടല്‍ ശാന്തമായിരിക്കും. രാത്രിയോടെ പ്രക്ഷുബ്ധമാകും.