കോഴിക്കോട്: കോഴിക്കോട് പറമ്പിൽ കടവ് പാലത്തു എടിഎം കുത്തി തുറന്നു മോഷണത്തിന് ശ്രമിച്ച ഒരാൾ പിടിയിൽ.  മലപ്പുറം സ്വദേശി വിജേഷ് ആണ് ചേവായൂർ പൊലിസിന്റെ പിടിയിലായത്. ഹിറ്റാച്ചിയുടെ എടിഎം കുത്തിത്തുറക്കാൻ ആയിരുന്നു ശ്രമം. രാത്രി പട്രോളിംഗിനിടെ മോഷണ ശ്രമം കണ്ടെത്തിയ പൊലിസ് സംഘം എടിഎം കൌണ്ടറിനുള്ളിൽ നിന്നും മോഷ്ടാവിനെ പിടികൂടുകയായിരുന്നു. പോളി ടെക്നിക് ബിരുദധാരിയായ യുവാവ് സാമ്പത്തിക ബാധ്യത തീർക്കാൻ ലക്ഷ്യമിട്ടാണ് എടിഎം മോഷണത്തിനിറങ്ങിയതെന്നാണ് പൊലിസ് പറയുന്നത്. യുവാവിൽ നിന്ന് ചെറിയ ഗ്യാസ് കട്ടർ അടക്കമുള്ളവ പൊലിസ് കണ്ടെത്തിയിട്ടുണ്ട്.

A man has been arrested for attempting to break open an ATM to steal cash in order to settle his financial debts.