ദുബൈ: അബൂദബി ഭാഗത്തേക്ക് യാത്ര ചെയ്യുന്ന താമസക്കാരോട് ജാഗ്രത പാലിക്കണമെന്ന് നിര്‍ദ്ദേശിച്ച് യുഎഇ ദേശീയ കാലാവസ്ഥാ നിരീക്ഷണ കേന്ദ്രം. അബൂദബിയില്‍ കനത്ത മൂടല്‍മഞ്ഞ് രൂപപ്പെട്ടതിനെ തുടര്‍ന്നാണ് കാലാവസ്ഥാ നിരീക്ഷണ കേന്ദ്രം ജാഗ്രതാ നിര്‍ദേശം പുറപ്പെടുവിച്ചത്.

ചില തീരദേശ, വടക്കന്‍ പ്രദേശങ്ങളില്‍ ഞായറാഴ്ച രാവിലെ നേരിയ മഴയ്ക്ക് സാധ്യതയുള്ളതായും ദേശീയ കാലാവസ്ഥാ നിരീക്ഷണ വകുപ്പ് വ്യക്തമാക്കി. ആകാശം ഭാഗികമായി മേഘാവൃതമായിരിക്കുമെന്നും കാലാവസ്ഥാ നിരീക്ഷണ കേന്ദ്രം പ്രവചിക്കുന്നു. രാജ്യത്തെ താപനിലയില്‍ വീണ്ടും കുറവുണ്ടായേക്കുമെന്നും കാലാവസ്ഥാ നിരീക്ഷണ കേന്ദ്രം പറഞ്ഞു.

 

 

 

 

 

View this post on Instagram

 

 

 

 

 

 

 

 

 

 

 

A post shared by المركز الوطني للأرصاد (@officialuaeweather)

അബൂദബിയിലെ അജ്ബാന്‍, സ്വീഹാന്‍, അബൂദബി റോഡ്, അര്‍ജന്‍, അല്‍ വത്ബ പ്രദേശങ്ങള്‍ ഉള്‍പ്പെടെ അബൂദബിയുടെ ചില ഭാഗങ്ങളില്‍ മൂടല്‍മഞ്ഞിനെ തുടര്‍ന്ന് റെഡ്, യെല്ലോ അലേര്‍ട്ടുകള്‍ പുറപ്പെടുവിച്ചതായി നാഷണല്‍ സെന്റര്‍ ഓഫ് മെറ്റീരിയോളജി (എന്‍സിഎം) അറിയിച്ചു. അല്‍ ദഫ്ര, അല്‍ ഐന്‍ മേഖലകളുടെ ചില ഭാഗങ്ങളില്‍ കനത്ത മൂടല്‍മഞ്ഞാണ് റിപ്പോര്‍ട്ട് ചെയ്തിട്ടുള്ളത്.

ഇന്ന് താപനിലയില്‍ വീണ്ടും കുറവുണ്ടാകുമെന്നും ഫെബ്രുവരി 16 ഞായറാഴ്ച രാവിലെ നേരിയ മഴയ്ക്ക് സാധ്യതയുണ്ടെന്നും എന്‍സിഎം പ്രവചിച്ചു. ഇന്നു രാത്രിയിലും ഞായറാഴ്ച രാവിലെയും ചില ഉള്‍പ്രദേശങ്ങളിലും ഈര്‍പ്പമുള്ള കാലാവസ്ഥ തുടരുമെന്നാണ് പ്രതീക്ഷിക്കുന്നത്.

തീരദേശ, ദ്വീപ് പ്രദേശങ്ങളിലെ ഏറ്റവും ഉയര്‍ന്ന താപനില 27 മുതല്‍ 32 ഡിഗ്രി സെല്‍ഷ്യസ് വരെയാകുമെന്നും കുറഞ്ഞ താപനില 15 മുതല്‍ 20 ഡിഗ്രി സെല്‍ഷ്യസ് വരെയാകുമെന്നും പ്രതീക്ഷിക്കുന്നു.

രാജ്യത്തുടനീളം നേരിയ കാറ്റ് വീശാനിടയുണ്ട്. രാജ്യത്തിന്റെ തീരപ്രദേശങ്ങളിലും ദ്വീപുകളിലും ഉള്‍പ്രദേശങ്ങളിലും മണിക്കൂറില്‍ 40 കിലോമീറ്റര്‍ വരെ വേഗതയില്‍ കാറ്റു വീശിയേക്കാമെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി.

Heavy fog in Abu Dhabi, the Meteorological Center has issued a high alert