അബൂദബി: യുഎഇയിലെ ആദ്യത്തെ അല്‍ബിര്‍ ഇന്‍സ്റ്റിറ്റ്യൂട്ട് അബൂദബിയില്‍ പ്രവര്‍ത്തനം ആരംഭിക്കുന്നു. ഫെബ്രുവരി 16(നാളെ) രാവിലെ 9:30 ന് സയ്യിദ് മുഹമ്മദ് കോയ തങ്ങള്‍ ജമലുലല്ലൈലി അല്‍ബിര്‍ ഇന്‍സ്റ്റിറ്റ്യൂട്ട് ഉദ്ഘാടനം ചെയ്യും. സയ്യിദ് അബ്ദുറഹ്മാന്‍ തങ്ങളും സയ്യിദ് ഷുഹൈബ് തങ്ങളും ചടങ്ങില്‍ പങ്കെടുക്കും.

ലോകമെമ്പാടുമുള്ള 350ലധികം ശാഖകളിലൂടെ ഗുണനിലവാരമുള്ള വിദ്യാഭ്യാസം പ്രദാനം ചെയ്യുന്ന സ്ഥാപനമാണ് അല്‍ബിര്‍ സ്‌കൂള്‍സ്. കേരളം, കര്‍ണാടക, ഒമാന്‍, സഊദി അറേബ്യ എന്നിവിടങ്ങളില്‍ അല്‍ബിര്‍ ഇന്‍സ്റ്റിറ്റ്യൂട്ടുകള്‍ പ്രവര്‍ത്തിച്ചുവരുന്നു. ശിശു സൗഹൃദ അക്കാദമിക് പ്രോഗ്രാമുകളിലൂടെ ഇസ്ലാമിക മൂല്യങ്ങള്‍ക്കനുസരിച്ച് ജീവിതം രൂപപ്പെടുത്തുകയും പരിവര്‍ത്തനം ചെയ്യുകയും ചെയ്യുക എന്നതാണ് അല്‍ ബിറിന്റെ പ്രധാന ദര്‍ശനം.