കരിപ്പൂർ: മാർച്ച് 1 മുതൽ കോഴിക്കോട് വിമാനത്താവളത്തിൽനിന്ന് കൂടുതൽ വിമാന സർവിസുകളുമായി ഇൻഡിഗോ.  നിലവിലുള്ള കോഴിക്കോട് - ജിദ്ദ സെക്ട‌റിലെ സർവിസുകളുടെ എണ്ണം വർധിപ്പിക്കുകയും കൂടാതെ, റാസൽഖൈമയിലേക്കു പുതിയ സർവിസ് ആരംഭിക്കുകയും ചെയ്യും. കോഴിക്കോട് - ഫുജൈറ സെക്‌ടറിൽ സർവിസ് ആരംഭിക്കുന്ന കാര്യവും ഇൻഡി​ഗോയുടെ പരിഗണനയിലുണ്ട്.

പുതിയ സർവിസുകൾ വരുന്നതോടെ നിലവിൽ കോഴിക്കോട് - ജിദ്ദ സെക്‌ടറിൽ ആഴ്ച‌യിൽ 7 സർവിസുകൾ എന്നുള്ളത് 11 ആകും. ഉച്ചയ്ക്ക് 1.50ന് ആകും ജിദ്ദയിലേക്കുള്ള അധിക വിമാനം കോഴിക്കോട്ടുനിന്നു പുറപ്പെടുക. സഊദി സമയം വൈകിട്ട് 6.30നു വിമാനം ജിദ്ദയിൽനിന്നു കോഴിക്കോട്ടേക്കു പുറപ്പെടും.

ആഴ്ചയിൽ അഞ്ച് സർവിസുകളാണ് റാസൽഖൈമ - കോഴിക്കോട് സെക്‌ടറിൽ ആരംഭിക്കുന്നത്. പുലർച്ചെ 3.55നു വിമാനം കോഴിക്കോട്ടുനിന്നു റാസൽഖൈമയിലേക്കു പുറപ്പെടും. പ്രാദേശിക സമയം പകൽ 11.20ന് റാസൽഖൈമയിൽനിന്നു കോഴിക്കോട്ടേക്കു പുറപ്പെടും. നിലവിൽ എയർ ഇന്ത്യ എക്സ്പ്രസും എയർ അറേബ്യയും കോഴിക്കോട്ടുനിന്നു റാസൽഖൈമയിലേക്കു സർവിസ് നടത്തുന്നുണ്ട്. ഇൻഡിഗോ കൂടി സർവിസ് ആരംഭിക്കുന്നത് യുഎഇ പ്രവാസികളുടെ യാത്രാ സൗകര്യം വർധിപ്പിക്കും.

Indigo has introduced additional flights from Kozhikode, providing relief to expats. For more information on flight schedules and bookings, try searching online.