ജിദ്ദ: പലതരം പ്രശ്‌നങ്ങൾ നേരിടുന്ന ഇന്ത്യൻ പ്രവാസികൾക്ക് പ്രശ്നങ്ങൾ അവതരിപ്പിക്കാൻ അവസരവും വിവിധ സേവനങ്ങളുമായി ഇന്ത്യൻ കോൺസുലേറ്റ് ഓപ്പൺ ഹൗസ് നടത്തും.

ഈ മാസം 19ന് വൈകിട്ട് 4 മുതൽ രാത്രി 8 വരെയാണ് ജിദ്ദ ഇന്ത്യൻ കോൺസുലേറ്റിൽ ഓപ്പൺ ഹൗസ് നടക്കുന്നത്. ദീർഘകാലമായി ഇഖാമ പുതുക്കാതെ വിവിധ പ്രശ്‌നങ്ങൾ നേരിടുന്നവർ, സ്പോൺസർ ഹുറൂബ് ആക്കിയതിൻ്റെ പേരിൽ നാട്ടിലേക്ക് മടങ്ങാൻ കഴിയാതെ ബുദ്ധിമുട്ടുന്നവർ തുടങ്ങിയവർക്കെല്ലാം ഓപ്പൺ ഹൗസ് പ്രയോജനപ്പെടുത്താവുന്നതാണ്.

പൂർണ്ണമായ പേര്, പാസ്പോർട്ട് കോപ്പി, നമ്പർ, ഇഖാമ നമ്പർ, ബന്ധപ്പെടേണ്ട ഫോൺ-മൊബൈൽ നമ്പർ, സഊദിയിലെ മേൽവിലാസം തുടങ്ങി ആവശ്യമായ രേഖകൾ സഹിതം [email protected] ,[email protected] എന്ന ഇമെയിലിൽ പ്രശ്‌നങ്ങൾ-പരാതികൾ അയക്കാം.

The Indian Consulate in Jeddah is organizing an Open House on February 19, aiming to provide support and address the concerns of the Indian community in the region