ഇനി വരാനിരിക്കുന്നത് എ.ഐ യുദ്ധം. അതിനായി കാഹളം മുഴങ്ങിക്കഴിഞ്ഞു. പറയുന്നത് മറ്റാരുമല്ല. സാക്ഷാല്‍ ഇലോണ്‍ മസ്‌ക്. ലോകത്തിലെ ഏറ്റവും മികച്ച എ.ഐ എന്ന് ടെക് ഭീമനും വ്യവസായിയും ടെസ്‌ല സ്ഥാപകനുമായ ഇലോണ്‍ മസ്‌ക് അവകാശപ്പെടുന്ന ഗ്രോക്ക് 3 ഇന്ന് രാവിലെ 9.30 ലോഞ്ച് ചെയ്തു. തത്സമയ പ്രദര്‍ശനത്തോടെ എക്‌സ്എ.ഐയുടെ ജനറേറ്റീവ് ആര്‍ട്ടിഫിഷ്യല്‍ ഇന്റലിജന്‍സ് ചാറ്റ്‌ബോട്ടായ ഗ്രോക്ക് 3 പുറത്തിറക്കിയത്. 

https://t.co/HTK4u2aYRu

— Elon Musk (@elonmusk) February 18, 2025

മൈക്രോസോഫ്റ്റ് പിന്തുണയുള്ള ഓപ്പണ്‍ എ.ഐയ്ക്കും ആല്‍ഫബെറ്റിന്റെ ഗൂഗിളിനും വെല്ലുവിളിയുയര്‍ത്തി ഡീപ്‌സീക് തരംഗം കെട്ടുതീരുന്നതിന് മുന്നെയുള്ള ഗ്രോക്ക് 3 യുടെ കടന്നു വരവ് എ.ഐ സാധ്യതകളെ മുന്‍നിര്‍ത്തുന്ന വിപണികളില്‍ വലിയ ചലനങ്ങള്‍ സൃഷ്ടിക്കുമെന്നാണ് വിലയിരുത്തുന്നത്. 

മറ്റ് എഐ ചാറ്റ്‌ബോട്ടുകളെ താരതമ്യം ചെയ്യുമ്പോള്‍ ഗ്രോക്ക് 3യ്ക്ക് വളരെ മികവാര്‍ന്ന റീസണിംഗ് കഴിവുകളുണ്ട്. പരീക്ഷണ ഘട്ടത്തില്‍ തന്നെ മികവുറ്റ പ്രകടനകളാണ് ഗ്രോക്ക് 3 കാഴ്ചവെച്ചത്, അതൊരു ശക്തമായ സൂചനയാണ്' എന്നിങ്ങനെയുള്ള ഇലോണ്‍ മസ്‌കിന്റെ വാക്കുകള്‍ തള്ളിക്കളയാന്‍ സാധിക്കില്ല. ചരിത്രത്തെ തന്നെ നോക്കുകുത്തിയാക്കിയ പ്രഖ്യാപനങ്ങളിലൂടെ ലോകത്തെ ഞെട്ടിച്ചിട്ടുണ്ട് എലോണ്‍ മസ്‌ക്. 

മസ്‌കിന്റെയും ആള്‍ട്ട്മാന്റെയും പോര്‍വിളി കഥകള്‍ ചര്‍ച്ച ചെയ്ത് തീരുന്നതിന് മുന്നേയുള്ള മസ്‌കിന്‍ന്റെ ഗ്രോക്ക് 3, ഓപ്പണ്‍ എ.ഐ സി.ഇ.ഒ സാം ആള്‍ട്ട്മാനുള്ള ഒരു മറുപടിയാണെന്നും ആഗോള എ.ഐ സാധ്യതകളില്‍ മസ്‌കിന്‍ന്റെ കുത്തക സൃഷ്ടിക്കാനുള്ള നീക്കമാണെന്നും അന്താരാഷ്ട്ര മാധ്യമങ്ങള്‍ ഉള്‍പ്പടെ വിലയിരുത്തുന്നു. ചൈനീസ് സ്റ്റാര്‍ട്ടപ്പായ ഡീപ്‌സീക്ക് കഴിഞ്ഞ മാസം ആഗോള എ.ഐ വ്യവസായത്തെ ഞെട്ടിച്ചുകൊണ്ട് കുറഞ്ഞ ചെലവില്‍ ഉയര്‍ന്ന നിലവാരമുള്ള ചാറ്റ്‌ബോട്ട് പുറത്തിറക്കി വിപണി ഭരിക്കുകയാണ്. ആപ്പിള്‍ ആപ്പ് സ്റ്റോറില്‍ ചാറ്റ്ജിപിടിയെ മറികടന്നു കൊണ്ട് ഡീപ്‌സീക്ക് വമ്പിച്ച ഡൗണ്‍ലോഡുകളുടെ റെക്കോര്‍ഡുകളാണ് സ്വന്തമാക്കിയിരിക്കുന്നത്. ഈ സാഹചര്യത്തില്‍ ബില്യണ്‍ ഡോളറുകളില്‍ പുറത്തുവരുന്ന ഗ്രോക്ക് 3 വിപണിയെ എങ്ങനെ സ്വാധീനിക്കുമെന്ന് നോക്കിക്കാണാം. 

ലോകം ഭരിക്കുന്ന ടെക് ഭീമന്മാരുടെ തുറന്ന എ.ഐ യുദ്ധമാണ് വരും നാളുകളില്‍ അരങ്ങേറാന്‍ പോകുന്നത്. ഓപ്പണ്‍ എ.ഐയുടെ സി.ഇ.ഒ സാം ആള്‍ട്ട്മാനുമായി കഴിഞ്ഞ ദിവസങ്ങളിലുണ്ടായ പോര്‍വിളിയും അതുമായി ബന്ധപ്പെട്ട വാര്‍ത്തകളും ഇപ്പോഴും നിറഞ്ഞു നില്‍ക്കുകയാണ്.

കഴിഞ്ഞ ദിവസം 97.4 ബില്യണ്‍ ഡോളറിന് കമ്പനിയെ ഏറ്റെടുക്കാന്‍ താല്‍പര്യം പ്രകടിപ്പിച്ച് മസ്‌കും സംഘവും ഓപ്പണ്‍ എ.ഐയെ സി.ഇ.ഒ സാം ആള്‍ട്ട്മാനെ സമീപിച്ചിരുന്നു. വേണമെങ്കില്‍ മസ്‌കിന്റെ എക്‌സ് വിലക്കെടുക്കാമെന്നായിരുന്നു ആള്‍ട്ട്മാന്റെ പ്രതികരണം.