റമദാൻ പ്രമാണിച്ച് ഇഫ്താർ പീരങ്കി വെടിവയ്പ്പിനായി എമിറേറ്റിലുടനീളം 10 സ്ഥലങ്ങൾ അനുവദിച്ചതായി പ്രഖ്യാപിച്ച് ഷാർജ പൊലിസ്. വ്രതാനുഷ്ഠാനത്തിന്റെ അവസാനം കുറിക്കുന്ന ഈ കാലാകാല പാരമ്പര്യം, റമദാനിൽ ഉത്സവാന്തരീക്ഷം വർദ്ധിപ്പിക്കുകയും താമസക്കാർക്കും സന്ദർശകർക്കും സന്തോഷം നൽകുകയും ചെയ്യും.

അൽ മജാസ് വാട്ടർഫ്രണ്ട്, മുവൈല സബർബ് കൗൺസിൽ, അൽ സുയോ സബർബ് കൗൺസിൽ, അൽ റഹ്മാനിയ സബർബ് കൗൺസിൽ, അൽ ഹംരിയ സബർബ് കൗൺസിൽ തുടങ്ങിയ പ്രദേശങ്ങളിലാണ് ഇഫ്താർ പീരങ്കി വെടിയുതിർക്കുക.

ഷാർജയുടെ മധ്യമേഖലയിലെ രണ്ട് പ്രധാന സ്ഥലങ്ങളായ അൽ ദൈദ് കോട്ടയും അൽ നയീം പള്ളിയും ഇഫ്താർ പീരങ്കി വെടിയുതിർക്കുന്നതിന് വേദിയാകും. കിഴക്കൻ മേഖലയിലെ ഇഫ്താർ പീരങ്കി ക്ലോക്ക് ടവറിനും കൽബയിലെ അൽ ഹെഫയ്യ തടാകത്തിനും ഇടയിൽ നിന്ന് വെടിയുതിർക്കും. കൂടാതെ, ഖോർ ഫക്കാൻ ആംഫി തിയേറ്ററിലും ദിബ്ബ അൽ ഹിസ്സനിലെ ഫ്ലാഗ് പോയിന്റ് പ്രദേശത്തും പീരങ്കികൾ സ്ഥാപിച്ചിട്ടുണ്ട്.

രാഷ്ട്രത്തിൻ്റെ ആദ്യകാലങ്ങളിൽ ആരംഭിച്ച ഇഫ്താർ പീരങ്കി, നോമ്പ് തുറക്കാനുള്ള ഒരു ആഹ്വാനം മാത്രമല്ല, വൈവിധ്യമാർന്ന സമുദായങ്ങൾക്കിടയിലുള്ള ഐക്യത്തിൻ്റെയും സന്തോഷത്തിൻ്റെയും പ്രതീകം കൂടിയാണ്. 

പീരങ്കി വെടിയുതിർക്കുന്ന സ്ഥലങ്ങൾ

അൽ മജാസ് വാട്ടർഫ്രണ്ട്
മുവൈലി സബർബ് കൗൺസിൽ
അൽ സുയോ സബർബ് കൗൺസിൽ
അൽ റഹ്മാനിയ സബർബ് കൗൺസിൽ
അൽ ഹംരിയ സബർബ് കൗൺസിൽ 
അൽ ദൈദ് ഫോർട്ട് 
അൽ നയീം പള്ളി
ക്ലോക്ക് ടവർ
അൽ ഹെഫയ്യ തടാകം

Find out where to experience the traditional iftar cannons in Sharjah this Ramadan.