നല്ല ശീലങ്ങള്‍ എന്നത് കുട്ടിയുടെ പെരുമാറ്റത്തിന്റെ ഭാഗമായി മാറുന്നതാണ്. മികച്ച വ്യക്തിത്വം വളര്‍ത്തിയെടുക്കാന്‍ ഈ ശീലങ്ങള്‍ കുട്ടികളെ സഹായിക്കുന്നു. ചെറുപ്പത്തില്‍ തന്നെ വളര്‍ത്തിയെടുക്കുന്ന നല്ല ശീലങ്ങള്‍ ഒരു കുട്ടി ഭാവിയില്‍ എന്തു ചെയ്യാന്‍ പോകുന്നു എന്നതിന് അടിത്തറയിടുന്നു. നല്ല ശീലങ്ങളുണ്ടെങ്കില്‍ ജീവിതത്തില്‍ സന്തോഷവും പ്രചോദനവും നേടാന്‍  സഹായിക്കുന്നു. 

പ്രഭാതഭക്ഷണം ഒഴിവാക്കരുത്

ഒരു ദിവസത്തിന്റെ തുടക്കത്തില്‍ ഭക്ഷണം കഴിക്കണമെന്ന് കുട്ടികളെ പഠിപ്പിക്കുക. അതായത് പ്രഭാതഭക്ഷണം കഴിക്കുന്നത് ഒരു ദിവസത്തെ ഊര്‍ജ്ജം, ശ്രദ്ധ, മൊത്തത്തിലുള്ള ക്ഷേമം എന്നിവ നല്‍കുന്നതാണ്. 

വൈകി എഴുന്നേല്‍ക്കുന്ന ശീലം

ഉറങ്ങാനും എഴുന്നേല്‍ക്കാനും സ്ഥിരമായ ഒരു ചിട്ട കുട്ടികളില്‍ ഉണ്ടാക്കുക. അല്ലാതെ ഓരോ ദിവസവും അവരെ തിരക്ക് കൂട്ടി ഓരോ സമയത്ത് എഴുന്നേല്‍പ്പിക്കാതെ ചിട്ടപ്പെടുത്തി ശീലിപ്പിക്കുക. 

ഗാഡ്‌ജെറ്റുകള്‍ പരിശോധിക്കുക

അതിരാവിലെ കുട്ടികള്‍ എഴുന്നേറ്റാല്‍ അവര്‍ ഗാഡ്‌ജെറ്റുകളിലാണോ സമയം ചെലവഴിക്കുന്നത് എന്ന് ശ്രദ്ധിക്കുക. അങ്ങനെയാണെങ്കില്‍ അതവരെ നിരുത്സാഹപ്പെടുത്തുകയും ശ്രദ്ധതിരിച്ചുവിടാന്‍ വായനയിലേക്കോ മറ്റെന്തെങ്കിലും പരിപാടിയിലേക്കോ അവരെ മാറ്റുക.

ശുചിത്വം

നല്ല ആരോഗ്യം, ആത്മവിശ്വാസം, ശുചിത്വം എന്നിവ കുട്ടികളില്‍ പ്രോത്സാഹിപ്പിക്കുക. ദിവസവും രാവിലെ എഴുന്നേറ്റ ഉടന്‍ ബ്രഷ് ചെയ്യിപ്പിക്കാന്‍ പഠിപ്പിക്കുക. അതു കഴിഞ്ഞ് കുളിക്കാന്‍ ശീലിപ്പിക്കുക. എന്നിട്ട് സ്വന്തമായി ഡ്രസ് ഇടാന്‍ പഠിപ്പിക്കുന്ന ശീലങ്ങള്‍ അവരില്‍ കൊണ്ടുവരുക.

വെള്ളം കുടിപ്പിക്കുക

രാവിലെ എഴുന്നേറ്റാല്‍ കുട്ടികളില്‍ ഒരു ഗ്ലാസ് വെള്ളം കുടിക്കുന്ന ശീലവും ഉണ്ടാക്കിയെടുക്കുക. ഇത് ശരീരത്തിലെ മെററബോളിസം വര്‍ധിപ്പിക്കാനും വിഷവസ്തുക്കളെ പുറന്തള്ളാനും സഹായിക്കുമെന്ന കാര്യവും കുട്ടികളെ പറഞ്ഞു മനസിലാക്കിക്കുക. 

കിടക്ക വിരിക്കുക

രാത്രി കിടക്കാന്‍ പോകുമ്പോള്‍ അതേപടി കട്ടിലില്‍ കയറിക്കിടക്കാതെ കിടക്ക തട്ടിവിരിക്കാനും വൃത്തിയായി സൂക്ഷിക്കാനും കുട്ടികളെ പഠിപ്പിക്കുക. അത് അവരില്‍ ഉത്തരവാദിത്ത ബോധം വളര്‍ത്തുന്നതാണ്. 

ഹോംവര്‍ക്ക് ചെയ്യുന്നത്

ചില കുട്ടികളെ കാണാം. രാവിലെ എഴുന്നേറ്റ് സ്‌കൂളില്‍ പോകാന്‍ നേരത്താവും അവര്‍ക്ക് ഹോം വര്‍ക്ക് ചെയ്യാനുള്ള ഓര്‍മവരുകയും അത് ചെയ്യാന്‍ ഇരിക്കുകയും ചെയ്യുന്നത്. എന്നാല്‍ രാവിലെ എഴുന്നേറ്റാല്‍ ഇതിനു സമയമുണ്ടാവില്ലെന്നും അസൈന്‍മെന്റുകള്‍ അവസാന നിമിഷത്തേക്കു മാറ്റിവയ്ക്കുന്ന ശീലം ഇവരില്‍ നിന്ന് മാറ്റുകയും കൃത്യമായി തലേദിവസം രാത്രി തന്നെ ഇവ ചെയ്തിരിക്കണമെന്നും കുട്ടികളെ പഠിപ്പിക്കുക. നല്ല അച്ചടക്കത്തിനായി കുട്ടികളെ സമയമാനേജ്‌മെന്റ് പഠിപ്പിക്കേണ്ടതാണ്. 

വാദിക്കുക

പോസിറ്റീവായ ആശയവിനിമയം കുട്ടികളെ പഠിപ്പിക്കുക. എന്തെങ്കിലും കാര്യങ്ങള്‍ ചെയ്താല്‍ അവരെക്കൊണ്ട് നന്ദി എന്നു പറയാനും ക്ഷമയും ശാന്തതയും അവരെ പഠിപ്പിക്കുകയും ചെയ്യുക. 

വ്യായാമം 

ചെറുതായ രീതിയില്‍ കുട്ടികളെ കൊണ്ട് വ്യായാമം ചെയ്യിപ്പിക്കുന്നതും നല്ലതാണ്. മികച്ച മാനസീകാവസ്ഥയ്ക്കും ഏകാഗ്രതയ്ക്കുമൊക്കെ ഇത് കാരണമാവും.