മലപ്പുറം: കൊണ്ടോട്ടിയിൽ എംഡിഎംഎ പിടികൂടിയ സംഭവത്തിൽ ഒരാൾ കൂടി അറസ്റ്റിൽ. പുളിക്കൽ സ്വദേശി ശിഹാബുദ്ധീനെയാണ് പിടികൂടിയത്. 153 ഗ്രാം എംഡിഎംഎയും അരലക്ഷം രൂപയും ഇലക്ട്രോണിക് ത്രാസുകളും പിടികൂടിയ കേസിലാണ് അറസ്റ്റ്. കേസിലെ അഞ്ചാം പ്രതിയാണ് ശിഹാബുദ്ധീൻ. കോഴിക്കോട് എംഡിഎംഎ വിൽപ്പനക്കുള്ള ശ്രമത്തിനിടെയാണ് മെഡിക്കൽ കോളേജ് പൊലിസ് പ്രതിയെ അറസ്റ്റ് ചെയ്ത് ഡാൻസാഫ് ടീമിന് കൈമാറിയത്. ഇതോടെ കൊണ്ടോട്ടി എംഡിഎംഎ കേസിൽ പിടിയിലായ ആളുകളുടെ എണ്ണം ആറായി മാറി. ഇനി ഒരാൾ കൂടിയാണ് പിടിയിലാവാനുള്ളത്.