ഇന്റർ മയാമിയിൽ ലയണൽ മെസിക്കൊപ്പവും സഹതാരങ്ങൾക്കൊപ്പവുമുള്ള അനുഭവം പങ്കുവെക്കുകയാണ് ഇംഗ്ലണ്ട് ഇതിഹാസം ഡേവിഡ് ബെക്കാം. മെസിയും സഹതാരങ്ങളും തന്നോട് ഫുട്ബോളിൽ പരിശീലനത്തിൽ ഏർപ്പെടാൻ അഭ്യർത്ഥിക്കാറുണ്ടെന്നാണ് ബെക്കാം പറഞ്ഞത്. മെൻസ് സോക്കറിന് നൽകിയ അഭിമുഖത്തിൽ സംസാരിക്കുകയായിരുന്നു ഇംഗ്ലണ്ട് ഇതിഹാസം. 

'നിങ്ങൾക്കറിയാമോ അവർ എപ്പോഴും എന്നോട് പറയും പരിശീലനത്തിൽ പങ്കെടുക്കാൻ. ലിയോ, ലൂയി, ജോർഡി, സെർജിയോ എല്ലാവരും പറയും വരൂ വരൂ എന്ന്. പരിശീലനങ്ങളിൽ ഞാൻ കുറച്ച് ഫ്രീ കിക്കുകൾ എടുത്തിരുന്നു. ഇതിനൊപ്പം കുറച്ച് ലോങ്ങ്‌ പാസുകളും നേടി. ഇത് ചെയ്തതിൽ ഞാൻ വളരെയധികം ആവേശഭരിതനായിരുന്നു,' ഡേവിഡ് ബെക്കാം പറഞ്ഞു. 

ബെക്കാമിന്റെ സഹ ഉടമസ്ഥതയിലുള്ള ടീമാണ് ഇന്റർ മയാമി. 2023ലാണ് മെസി അമേരിക്കൻ ഫുട്ബോളിന്റെ ഭാഗമാവുന്നത്. ഫ്രഞ്ച് ക്ലബ്‌ പിഎസ്ജിയിൽ നിന്നുമാണ് താരം ഇന്റർ മയാമിയിൽ എത്തിയത്. മെസിയുടെ വരവിന് പിന്നലെ പല സൂപ്പർതാരങ്ങളും ഇന്റർ മയാമിയിലെത്തി. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. ഇതിന് പുറമെ സപ്പോർട്ടേഴ്‌സ് ഷീൽഡും മയാമി സ്വന്തമാക്കി. 

അതേസമയം മേജർ ലീഗ് സോക്കറിലെ പുതിയ സീസണിലെ ആദ്യ മത്സരത്തിൽ ഇന്റർ മയാമി സമനിലയിൽ കുടുങ്ങിയിരുന്നു.  ന്യൂയോർക്ക് സിറ്റിയാണ് മെസിയെയും സംഘത്തിന്റെയും സമനിലയിൽ കുടുക്കിയത്. മത്സരത്തിൽ ഇരു ടീമികളും രണ്ട് ഗോളുകൾ വീതം നേടി പോയിന്റുകൾ പങ്കുവെക്കുകയായിരുന്നു.

രണ്ടാം മത്സരത്തിൽ ഹ്യൂസ്റ്റൺ ഡൈനാമോക്കെതിരെ തകർപ്പൻ വിജയമാണ് ഇന്റർ മയാമി സ്വന്തമാക്കിയത്. മത്സരത്തിൽ ഒന്നിനെതിരെ നാല് ഗോളുകൾക്കായിരുന്നു  ഇന്റർ മയാമി വിജയിച്ചത്. നിലവിൽ എംഎൽഎസ് പോയിന്റ് പട്ടികയിൽ മൂന്നാം സ്ഥാനത്താണ് ഇന്റർ മയാമി. രണ്ട് മത്സരങ്ങളിൽ നിന്നും ഓരോ വീതം ജയവും സമനിലയുമായി രണ്ട് പോയിന്റാണ് മയാമിക്കുള്ളത്.