തിരുവന്തപുരം: സർവകലാശാല നിയമഭേദഗതിയുമായി ബന്ധപ്പെട്ട രണ്ടാം ബില്ലിന് ഗവർണർ മുൻകൂർ അനുമതി നൽകി. കുസാറ്റ്, കെടിയു, മലയാളം സർവകലാശാലകൾ സംബന്ധിച്ച നിയമ ഭേദഗതി ബില്ലുകൾ നിയമസഭയിൽ അവതരിപ്പിക്കാനുള്ള അനുമതിയാണ് നൽകിയത്.

ഇതിനു മുൻപ് അനുമതി ലഭിക്കാതിരുന്നതിനാൽ ബില്ല് സർക്കാരിന്റെ ഭാഗത്ത് നിന്ന് മാറ്റിവെക്കേണ്ടി വന്നിരുന്നു. ഇനി ഈ മാസം 20ന് ബില്ല് നിയമസഭയിൽ അവതരിപ്പിക്കാനാണ് തീരുമാനം.

ബില്ലിൽ ചാൻസ്ലറുടെ അധികാരം കുറയ്ക്കുന്നതായും, പ്രോ ചാൻസ്ലറായ ഉന്നതവിദ്യാഭ്യാസമന്ത്രിക്ക് കൂടുതൽ അധികാരം നൽകുന്നതായും ആരോപണമുണ്ടായിരുന്നു. കഴിഞ്ഞ ദിവസം നിയമമന്ത്രി രാജ്ഭവനിൽ ഗവർണറെ അഭിമുഖീകരിച്ച് വിശദീകരണം നൽകിയതിനെ തുടർന്നാണ് അനുമതി ലഭിച്ചത്.