ദുബൈ: ഇക്കഴിഞ്ഞ ആഴ്ചയാണ് യുഎഇയില്‍ വിശുദ്ധ റമദാന്‍ മാസത്തിന് തുടക്കമായത്. മനം നിറയ്ക്കുന്ന പ്രാര്‍ത്ഥനകളിലൂടെയും ഖുര്‍ആനിന്റെ വെളിച്ചവും ഏറ്റുവാങ്ങി വിശ്വാസികള്‍ സ്വയം നവീകരിക്കുന്ന ഈ സമയത്ത് ദുബൈയിലെ ഹിന്ദു ക്ഷേത്രത്തില്‍ പ്രത്യക്ഷപ്പെട്ട റമദാന്‍ ആശംസകള്‍ നേര്‍ന്നുകൊണ്ടുള്ള ഒരു ബോര്‍ഡ് വാര്‍ത്തകളില്‍ ഇടം പിടിക്കുകയാണ്.

പുണ്യമാസത്തിന് ഊഷ്മളമായ ആശംസകള്‍ അറിയിക്കുന്ന ബോര്‍ഡാണ് ക്ഷേത്രത്തില്‍ പ്രദര്‍ശിപ്പിച്ചിരിക്കുന്നത്. അതോടൊപ്പം ആത്മാര്‍ത്ഥമായ ഒരു അഭ്യര്‍ത്ഥനയും ഉണ്ടായിരുന്നു.

 

 

 

 

 

View this post on Instagram

 

 

 

 

 

 

 

 

 

 

 

A post shared by RJ Sajinth Harikumar | 🇦🇪 (@rjsajinth)

പ്രാദേശിക സംസ്‌കാരത്തോടുള്ള ആദരവിന്റെയും മുസ്‌ലിം സമൂഹത്തോടുള്ള ഐക്യത്തിന്റെയും അടയാളമായി ഭക്തരും സന്ദര്‍ശകരും ക്ഷേത്രത്തിനുള്ളില്‍ വെച്ച് മാത്രമേ ഭക്ഷണം കഴിക്കുകയോ കുടിക്കുകയോ ചെയ്യാവൂ എന്ന് ആഹ്വാനം ചെയ്യുന്ന ബോര്‍ഡ് ജബല്‍ അലിയില്‍ സ്ഥിതി ചെയ്യുന്ന ക്ഷേത്രത്തിലാണ് പ്രദര്‍ശിപ്പിച്ചിട്ടുള്ളത്.

മലയാളിയായ കണ്ടന്റ് ക്രിയേറ്റര്‍ സജിന്ത് ഹരികുമാര്‍ ഇന്‍സ്റ്റാഗ്രാം പ്ലാറ്റ്‌ഫോമില്‍ പങ്കിട്ട വീഡിയോയിലൂടെയാണ് ഈ ഹൃദയസ്പര്‍ശിയായ പ്രവൃത്തി ശ്രദ്ധ നേടിയത്. മാര്‍ബിള്‍ ബോര്‍ഡില്‍ ഇങ്ങനെ എഴുതിയിരിക്കുന്നു, 'ഹിന്ദു ക്ഷേത്രം ദുബൈ. റമദാന്‍ കരീം. ചന്ദ്രന്‍ നിങ്ങളുടെ പാതയെ സമാധാനവും സന്തോഷവും കൊണ്ട് പ്രകാശിപ്പിക്കട്ടെ. ദയവായി ക്ഷേത്ര പരിസരത്തു നിന്ന് ഭക്ഷണം കഴിക്കുകയോ കുടിക്കുകയോ ചെയ്യരുത്'. ഇതാണ് ബോര്‍ഡില്‍ കുറിച്ചിരിക്കുന്നത്.

ഫെബ്രുവരി 28ന് രാത്രി മാസപ്പിറവി ദൃശ്യമായതിനുശേഷം മാര്‍ച്ച് 1 ശനിയാഴ്ചയാണ് എല്ലാ അറബ് രാജ്യങ്ങളിലും റമദാന്‍ ആരംഭിച്ചത്. ലോകമെമ്പാടുമുള്ള മുസ്‌ലിംകള്‍ ആരാധന, ദാനധര്‍മ്മം, പ്രഭാതം മുതല്‍ സന്ധ്യ വരെ ഉപവാസം എന്നിവയോടെയാണ് റമദാന്‍ മാസം ആചരിക്കുന്നത്.

ഓണ്‍ലൈന്‍ പ്ലാറ്റ്‌ഫോമുകളില്‍, പ്രത്യേകിച്ച് ഇന്ത്യയില്‍, വീഡിയോ വളരെ പെട്ടെന്ന് തന്നെ ശ്രദ്ധ നേടി. മതവംശങ്ങളുള്‍പ്പെടെ എല്ലാ പശ്ചാത്തലങ്ങളിലുമുള്ള ആളുകള്‍ പരസ്പര ബഹുമാനത്തോടെയും ഐക്യത്തോടെയും ഒരുമിച്ച് ജീവിക്കുന്ന ഒരു മാതൃകാ സമൂഹമായ ദുബൈയിയെ സമൂഹമാധ്യമ ഉപഭോക്താക്കള്‍ പ്രശംസിച്ചു.

ഒരു രാജ്യത്തിന്റെ നല്ല പുരോഗതിക്ക് ഇത്തരം പ്രവൃത്തികള്‍ എങ്ങനെ സംഭാവന ചെയ്യുന്നുവെന്നും വൈവിധ്യമാര്‍ന്ന സമൂഹങ്ങള്‍ക്കിടയില്‍ ശക്തമായ ബന്ധം വളര്‍ത്തിയെടുക്കുന്നുവെന്നും വാദിച്ചുകൊണ്ട് ഇന്ത്യന്‍ നെറ്റിസണ്‍മാര്‍ അവരുടെ സോഷ്യല്‍ മീഡിയ പേജുകളില്‍ വീഡിയോ പങ്കിട്ടു.

A note wishing 'Ramadan Kareem' at a Hindu temple in Dubai goes viral with pictures