കൈറോ: ജോലിക്കായി നടത്തുന്ന അഭിമുഖങ്ങളിൽ വ്യക്തി സ്വാതന്ത്ര്യങ്ങളെക്കുറിച്ചുള്ള ചോദ്യങ്ങൾ നിരോധിച്ചു കൊണ്ടുള്ള പുതിയ നിയന്ത്രണങ്ങൾ പുറത്തിറക്കി സഊദി മാനവവിഭവ മന്ത്രാലയം. 

സഊദി ഒകാസ് പത്രം പറയുന്നതനുസരിച്ച്, തൊഴിലന്വേഷകന്റെ മുൻ ജോലിസ്ഥലത്തെ രഹസ്യങ്ങളെക്കുറിച്ച് ചോദിക്കുന്നതിനും വിലക്ക് ഏർപ്പെടുത്തിയിട്ടുണ്ട്.

ഈ നിയന്ത്രണങ്ങൾ തൊഴിൽ അഭിമുഖങ്ങളും മറ്റും ലിംഗഭേദം, വൈകല്യം, പ്രായം, വിവാഹസ്ഥിതി തുടങ്ങിയ വിവേചനങ്ങളിൽ നിന്ന് മുക്തമാണെന്ന് ഉറപ്പാക്കുന്നു.

തൊഴിലുടമകൾ അഭിമുഖത്തിന്റെ വിശദാംശങ്ങൾ കുറഞ്ഞത് മൂന്ന് പ്രവൃത്തി ദിവസങ്ങൾക്ക് മുമ്പെങ്കിലും ജോലിക്ക് അപേക്ഷിച്ചവരെ അറിയിക്കണം (നേരിട്ടോ വിദൂരമായോ).

അഭിമുഖ സ്ഥലത്ത് വ്യക്തമായി കാണാവുന്ന പ്രവേശന കവാടങ്ങളും എക്സിറ്റുകളും, മതിയായ ഇരിപ്പിടങ്ങളും ഉണ്ടായിരിക്കണം. കൂടാതെ ആവശ്യമായ ആരോഗ്യ സുരക്ഷാ ചട്ടങ്ങൾ പാലിക്കുകയും വേണം. ഇലക്ട്രോണിക് സംവിധാനങ്ങളും സുരക്ഷാ ഗാർഡുകളും ഉൾപ്പെടെയുള്ള സുരക്ഷാ നടപടികളും ലിംഗഭേദമനുസരിച്ചുള്ള വിശ്രമമുറികളും ഒരുക്കിയിരിക്കണം.

യോജിക്കുന്ന ജോലി ഒഴിവുകളെക്കുറിച്ചുള്ള പ്രഖ്യാപനങ്ങൾ ഔദ്യോഗിക ഡിജിറ്റൽ പ്ലാറ്റ്ഫോമുകളിലോ ലൈസൻസ് ലഭിച്ച തൊഴിൽ മേളകളിലോ പോസ്റ്റ് ചെയ്യണമെന്നും മന്ത്രാലയം വ്യക്തമാക്കി. 

ഈ പ്രഖ്യാപനങ്ങളിൽ കമ്പനിയുടെ പേര്, പ്രവർത്തനം, ഓഫിസ് സ്ഥലം, ജോലി വിവരണം, ആവശ്യമായ യോഗ്യതകൾ, പ്രവൃത്തി സമയം, ആനുകൂല്യങ്ങൾ, അപേക്ഷാ നടപടിക്രമങ്ങൾ തുടങ്ങിയവ ഉൾപ്പെടുത്തണം.

Saudi Arabia has introduced a new regulation prohibiting questions about personal freedoms in job interviews. This move aims to protect job applicants' privacy and promote fair hiring practices. The regulation is part of the country's efforts to improve its labor market and attract talent