കിളിമാനൂര്‍: ആല്‍ത്തറമൂട്-മാടന്‍നട-പള്ളിയറ റോഡിന്റെ നവീകരണപ്രവര്‍ത്തനങ്ങളുടെ ഭാഗമായി ആദ്യഘട്ടം പണിപൂര്‍ത്തിയാക്കി ബി സത്യന്‍ എം എല്‍ എ ഗതാഗതത്തിനായി തുറന്നുകൊടുത്തു. എം എല്‍ എയുടെ ആസ്തി വികസന ഫണ്ടില്‍നിന്നും 20 ലക്ഷവും നഗരൂര്‍ പഞ്ചായത്ത് ജനകീയാസൂത്രണപദ്ധതി പ്രകാരം 5 ലക്ഷവും വിനിയോഗിച്ച് 25 ലക്ഷം ചെലവിലാണ് റോഡിന്റെ ആദ്യഘട്ട നവീകരണപ്രവര്‍ത്തനങ്ങള്‍ പൂര്‍ത്തിയാക്കിയത്.ചടങ്ങില്‍ പഞ്ചായത്ത് പ്രസിഡന്റ് എം രഘു അധ്യക്ഷനായി. ജില്ലാപഞ്ചായത്തംഗം ഡി. സ്മിത, ബ്ലോക്ക് പഞ്ചായത്ത് സ്ഥിരംസമിതി അധ്യക്ഷ എല്‍ ശാലിനി, ബ്ലോക്ക്പഞ്ചായത്തംഗം ജി ഹരികൃഷ്ണന്‍, പഞ്ചായത്തംഗം അജിതാഉണ്ണികൃഷ്ണന്‍ സംസാരിച്ചു.