ഹൈദരാബാദ്: ഹൈദരാബാദില്‍ ക്ഷേത്രത്തിനുള്ളില്‍ ആസിഡ് ആക്രമണം. സൈയ്ദാബാദ് ഭൂലക്ഷ്മി മാതാ ക്ഷേത്രത്തിലെ വഴിപാട് നടത്തുന്ന കൗണ്ടറിലെ ജീവനക്കാരനാണ് ആക്രമണം ഉണ്ടായത്. തലയിലൂടെയാണ് ആസിഡ് ഒഴിച്ചതെന്നാണ് ദേശീയമാധ്യമങ്ങള്‍ റിപോര്‍ട്ട് ചെയ്തത്.

 ആക്രമണം നടത്തിയയാള്‍ മുഖം മറയ്ക്കുകയും തലയില്‍ തൊപ്പിവയ്ക്കുകയും ചെയ്തയാളെന്ന് പൊലിസ്. മാത്രമല്ല ഇയാള്‍ ഹാപ്പി ഹോളി എന്നു പറഞ്ഞെന്നും ദൃക്‌സാക്ഷികള്‍. സംഭവത്തിന്റെ സിസിടിവി ദൃശ്യങ്ങളും പുറത്തു വന്നു. വെള്ളിയാഴ്ച രാത്രി സിസിടിവി ദൃശ്യങ്ങള്‍ വൈറലായതോടെ ക്ഷേത്രത്തില്‍ പൊലിസ് സുരക്ഷ ശക്തമാക്കിയിട്ടുണ്ട്.

കസേരയിലിരിക്കുകയായിരുന്ന നര്‍സിന്‍ റാവുവിന്റെ അടുത്തേക്ക് നടന്നു പോയാണ് പ്രതി ആസിഡ് തലയിലൂടെ ഒഴിച്ചത്. ശേഷം പ്രതി ബൈക്കില്‍ കയറി രക്ഷപ്പെടുകയും ചെയ്തു. സമീപമുണ്ടായിരുന്ന നാട്ടുകാരാണ് റാവുവിനെ ആശുപത്രിയില്‍ എത്തിച്ചതും പൊലിസില്‍ വിവരം അറിയിച്ചതും.