അബുദാബി: സഊദി രാജകുമാരി നൂറ ബിന്‍ത് ബന്ദര്‍ ബിന്‍ മുഹമ്മദ് അല്‍ അബ്ദുര്‍റഹ്മാന്‍ അല്‍ സഊദിന്റെ വിയോഗത്തില്‍ യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍, രണ്ട് വിശുദ്ധ പള്ളികളുടെ സൂക്ഷിപ്പുകാരനും സഊദി അറേബ്യ രാജാവുമായ സല്‍മാന്‍ ബിന്‍ അബ്ദുല്‍ അസീസ് അല്‍ സഊദിന് അനുശോചനം അറിയിച്ചു. 

ദുബൈ ഭരണാധികാരിയും വൈസ് പ്രസിഡന്റും പ്രധാനമന്ത്രിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം, വൈസ് പ്രസിഡന്റും ഉപപ്രധാനമന്ത്രിയും പ്രസിഡന്‍ഷ്യല്‍ കോടതി ചെയര്‍മാനുമായ ഷെയ്ഖ് മന്‍സൂര്‍ ബിന്‍ സായിദ് അല്‍ നഹ്യാന്‍, ഷാര്‍ജ ഭരണാധികാരിയും സുപ്രീം കൗണ്‍സില്‍ അംഗവുമായ ഷെയ്ഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമി ഷാര്‍ജ കിരീടാവകാശിയും ഡെപ്യൂട്ടി ഭരണാധികാരിയുമായ ഷെയ്ഖ് സുല്‍ത്താന്‍ ബിന്‍ മുഹമ്മദ് ബിന്‍ സുല്‍ത്താന്‍ അല്‍ ഖാസിമി, ഷാര്‍ജ ഡെപ്യൂട്ടി ഭരണാധികാരി ഷെയ്ഖ് അബ്ദുല്ല ബിന്‍ സാലിം ബിന്‍ സുല്‍ത്താന്‍ അല്‍ ഖാസിമി എന്നിവരും സല്‍മാന്‍ രാജാവിന് അനുശോചന സന്ദേശങ്ങള്‍ അയച്ചു.
 
കഴിഞ്ഞദിവസമാണ് രാജകുമാരി നൂറ ബിന്‍ത് ബന്ദര്‍ ബിന്‍ മുഹമ്മദിന്റെ മരണവാര്‍ത്ത സഊദി റോയല്‍ കോടതി അറിയിച്ചത്. വ്യാഴാഴ്ച വൈകീട്ടോടെ മസ്ജിദുല്‍ ഹറമില്‍ മഗ്‌രിബ് നമസ്‌കാരത്തിന് ശേഷം മയ്യിത്ത് പ്രാര്‍ത്ഥന നിസ്‌കാരം നടന്നു.

Condolences over death of Saudi Princess Noura bint Bandar