മൊഹാലി: മോമോസ് ഷോപ്പിലെ ഫ്രിഡ്ജില്‍ നായയുടെ തല. പഞ്ചാബിലെ മൊഹാലിയിലെ മാത്തുര്‍ ഗ്രാമത്തിലെ കടയിലെ  റഫ്രിജറേറ്ററലാണ് നായയുടെ തല കണ്ടെത്തിയത്. 

ഭക്ഷണം പാകം ചെയ്യുന്നതിനും മറ്റും വൃത്തിഹീനമായ  രീതികള്‍ ഉപയോഗിക്കുന്നതായി നിരവധി പരാതികള്‍ ലഭിച്ചതിനെത്തുടര്‍ന്ന് ആരോഗ്യ ഉദ്യോഗസ്ഥര്‍ ഞായറാഴ്ച കടയില്‍ നടത്തിയ പരിശോധനയിലാണ് ഇത് പിടിച്ചെടുത്തത്. 

ഈ ഷോപ്പില്‍ നിന്നും ചണ്ഡീഗഢ്, പഞ്ച്കുല, മൊഹാലി എന്നിവിടങ്ങളിലേക്ക് മോമോസ്, സ്പ്രിംഗ് റോളുകള്‍ തുടങ്ങിയവ ഈ കടയില്‍ നിന്ന് വിതരണം ചെയ്തിരുന്നു. 

നായയുടെ തല മാത്രമേ കണ്ടെടുക്കാന്‍ കഴിഞ്ഞിട്ടുള്ളു. ശരീരം പാചകത്തിന് ഉപയോഗിച്ചിരുന്നോ എന്ന് വ്യക്തമല്ല. നായയുടെ തല  വെറ്ററിനറി വകുപ്പിലേക്ക് പരിശോധനക്കായി അയച്ചിട്ടുണ്ട്. ഇത് കൂടാതെ ഷോപ്പില്‍ നിന്ന് അരിഞ്ഞ ഇറച്ചിയും ഒരു ക്രഷര്‍ മെഷീനും ഉദ്യോഗസ്ഥര്‍ കണ്ടെടുത്തതായി റിപ്പോര്‍ട്ടുകള്‍ പറയുന്നു. 

വൃത്തിഹീനമായ സാഹചര്യത്തിലാണ് മോമോസ് ഷോപ്പ് പ്രവര്‍ത്തിക്കുന്നതെന്ന് നേരത്തെ തന്നെ പരാതിയുണ്ടായിരുന്നു. ഇക്കാര്യം നാട്ടുകാര്‍ സോഷ്യല്‍മീഡിയയില്‍ പോസ്റ്റ് ചെയ്തിട്ടുമുണ്ട്. 

കഴിഞ്ഞ രണ്ട് വര്‍ഷമായി കട പ്രദേശത്ത് പ്രവര്‍ത്തിക്കുന്നുണ്ട്. ഇവിടെ തന്നെ ബേക്കറി നടത്തുന്ന ഒരാളുടെ ഉടമസ്ഥതയിലുള്ളതാണ് കടയെന്നാണ് റിപ്പോര്‍ട്ട്. എന്നാല്‍ നേപ്പാളില്‍ നിന്നുള്ള എട്ടോ പത്തോ പേരാണ് ഷോപ്പില്‍ ജോലി ചെയ്തിരുന്നത്. കടയിലെ എല്ലാ ജീവനക്കാരും ഇപ്പോള്‍ ഒളിവിലാണ്. ഇവര്‍ക്കായുള്ള അന്വേ,ണം നടക്കുകയാണ്.

A shocking discovery in Mohali: Health officials found a dog's head inside a refrigerator at a momos shop in Mathur village.