പുതുച്ചേരി: പുതുച്ചേരിയിലെ എല്ലാ കടകളുടേയും സ്ഥാപനങ്ങളുടേയും പേരുകൾ തമിഴിൽ എഴുതണമെന്നുള്ള സർക്കുലർ ഉടൻ പുറപ്പെടുവിക്കുമെന്ന് മുഖ്യമന്ത്രി എൻ. രംഗസ്വാമി. പുതുച്ചേരി നിയമസഭയിലെ ശൂന്യവേളയിൽ സ്വതന്ത്ര എംഎൽഎ ജി. നെഹ്‌റു കുപ്പുസ്വാമി ഉന്നയിച്ച ആവശ്യത്തിന് മറുപടിയായാണ് മുഖ്യമന്ത്രിയുടെ പ്രഖ്യാപനം.

കടകളുടെ പേരുകൾ തമിഴിൽ എഴുതുന്നതിൽ യാതൊരു വിട്ടുവീഴ്ചയുമില്ലെന്ന് കുപ്പുസ്വാമി സഭയിൽ ആവശ്യപ്പെട്ടിരുന്നു. ഇതോടൊപ്പം, സർക്കാർ പരിപാടികൾക്കുള്ള ക്ഷണക്കത്തുകളിൽ തമിഴ് പതിപ്പുകളും ഉൾപ്പെടുത്തുമെന്ന് മുഖ്യമന്ത്രി വ്യക്തമാക്കി. “ഇത് തമിഴ് ഭാഷയോടുള്ള സ്‌നേഹവും ബഹുമാനവും വ്യക്തമാക്കുന്നതാണ്,” അദ്ദേഹം കൂട്ടിച്ചേർത്തു.

അതിനിടെ, കടൽക്ഷോഭം തടയുന്നതിനുള്ള നടപടികൾക്ക് ഏകദേശം 1000 കോടി രൂപ ആവശ്യമാണെന്ന് പൊതുമരാമത്ത്, ഷിപ്പിംഗ് വകുപ്പ് മന്ത്രി കെ. ലക്ഷ്മിനാരായണൻ സഭയെ അറിയിച്ചു.

Puducherry Chief Minister N. Rangasamy announced that all shop and establishment names must be written in Tamil. A government circular will be issued soon. The decision was made in response to a request in the Assembly, emphasizing respect for the Tamil language.