ഇടുക്കി: ഇടുക്കി മറയൂരിൽ കുടുംബ വഴക്കിനെ തുടർന്ന് ജേഷ്ഠൻ അനിയനെ വെട്ടിക്കൊന്നു. ചെറുവാട് സ്വദേശി ജഗൻ (32) ആണ് കൊല്ലപ്പെട്ടത്. സംഭവത്തിന് പിന്നാലെ സഹോദരൻ അരുണിനെ പൊലീസ് കസ്റ്റഡിയിലെടുത്തു.

മദ്യപിച്ച് പ്രശ്നങ്ങൾ ഉണ്ടാക്കുന്നയാളായിരുന്നു ജഗൻ എന്ന് പൊലീസ് പറഞ്ഞു. ചൊവ്വാഴ്ച വൈകിട്ട്, ജഗൻ മാതൃസഹോദരിയെ വെട്ടുകത്തിയുമായി ആക്രമിക്കാൻ ശ്രമിച്ചിരുന്നു.ഈ തർക്കത്തിനിടയിൽ അരുണിന്റെ ആക്രമണത്തിൽ ഗുരുതരമായി പരിക്കേറ്റ ജഗൻ മരിക്കുകയായിരുന്നു.

അദിവാസി വിഭാഗത്തിൽപ്പെട്ട ഈ കുടുംബം മുമ്പ് ചെറുവാട് ഭാഗത്തായിരുന്നു താമസം, എന്നാൽ ജഗൻ മദ്യപിച്ച് സ്ഥിരം പ്രശ്നങ്ങൾ ഉണ്ടാക്കുന്നതിനാൽ ഇന്ദിരാനഗറിലേക്ക് താമസം മാറ്റുകയായിരുന്നു. എന്നാൽ, ഇവിടെത്തന്നെയും സമാന പ്രശ്നങ്ങൾ ഉണ്ടാക്കിയിരുന്നതായി പോലീസ് പറഞ്ഞു.

ജഗൻ്റെ മൃതദേഹം മറയൂർ കുടുംബാരോഗ്യ കേന്ദ്രത്തിലെ മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു നൽകും. സംഭവത്തിൽ കൂടുതൽ അന്വേഷണം തുടരുകയാണെന്ന് പൊലീസ് അറിയിച്ചു.

A man hacked his younger brother to death following a family dispute in Marayoor. The victim, Jagan (32), was allegedly killed by his elder brother Arun, who has been taken into police custody.