ഗൂഗിളിന്റെ ജെമിനി ആർട്ടിഫിഷ്യൽ ഇന്റലിജൻസ്  മോഡൽ ഉപയോഗിച്ച് ഇമേജുകളിൽ നിന്ന് വാട്ടർമാർക്കുകൾ നീക്കം ചെയ്യാൻ കഴിയുമെന്ന് റിപ്പോർട്ടുകൾ പുറത്തുവരുന്നു.

ഗെറ്റി ഇമേജസും മറ്റ് പ്രശസ്ത സ്റ്റോക്ക് മീഡിയ വെബ്‌സൈറ്റുകളും പ്രസിദ്ധീകരിച്ച ചിത്രങ്ങളിൽ നിന്ന് വാട്ടർമാർക്കുകൾ നീക്കം ചെയ്യാൻ ജെമിനി 2.0 ഫ്ലാഷിന് കഴിയുമെന്ന് എക്‌സിലെയും റെഡ്ഡിറ്റിലെയും നിരവധി ഉപയോക്താക്കൾ ചൂണ്ടിക്കാണിച്ചിട്ടുണ്ട് . ടെക്ക്രഞ്ചിന്റെ റിപ്പോർട്ട് അനുസരിച്ച് , ജെമിനി 2.0 ഫ്ലാഷിന്റെ സൗജന്യ ഉപയോഗവും പരീക്ഷണാത്മകവുമായ ഇമേജ് ജനറേഷൻ സവിശേഷതയും വാട്ടർമാർക്ക് ഇല്ലാതാക്കുന്നതിൽ മറ്റ് AI ഉപകരണങ്ങളെ അപേക്ഷിച്ച് കൂടുതൽ വൈദഗ്ദ്ധ്യം പുലർത്തുന്നതായാണ് റിപ്പോർട്ട്.

വാട്ടർമാർക്കുകൾ ഇമേജിന്റെ ഉടമസ്ഥാവകാശം സംരക്ഷിക്കാനായുള്ള മാർഗമാണ്, എന്നാൽ ജെമിനിയിലൂടെ ഇത് ഒഴിവാക്കാൻ കഴിയും എന്നതാണ് വലിയ ആശങ്ക സൃഷ്ടിക്കുന്നത്. അതേസമയം, Anthropic-ന്റെ Claude 3.7, OpenAI-യുടെ GPT-4o തുടങ്ങിയ മോഡലുകളിൽ ഈ സൗകര്യം ലഭ്യമല്ല.

അമേരിക്കൻ കോപ്പിറൈറ്റ് നിയമപ്രകാരം, ഉടമയുടെ അനുമതിയില്ലാതെ വാട്ടർമാർക്ക് നീക്കം ചെയ്യുന്നത് നിയമവിരുദ്ധമാണ്. ഈ പുതിയ ഫീച്ചറിനെ ചൊല്ലി നിരവധി വിമർശനങ്ങളും ഉന്നയിക്കപ്പെടുന്നു.

Google's AI model Gemini can now remove watermarks from images, sparking concerns over copyright violations. Users on Reddit and X shared examples of Gemini erasing logos and text from stock images, including those from Getty Images.Unlike Anthropic’s Claude 3.7 and OpenAI’s GPT-4o, Gemini reportedly allows easy removal of ownership marks, raising legal and ethical debates. Under U.S. copyright law, removing watermarks without permission is illegal.