തിരുവനന്തപുരം: ലഹരി ഉപയോഗിക്കുന്നത് വിലക്കിയ അമ്മയെ റോഡിലൂടെ വലിച്ചിഴച്ച മകനും പെണ്‍ സുഹൃത്തും അറസ്റ്റില്‍. വിതുര മേമല സ്വദേശിയും കെട്ടിട നിര്‍മ്മാണ തൊഴിലാളിയുമായ അനൂപ് (23), പെണ്‍ സുഹൃത്ത് സംഗീതാ ദാസ്(19) എന്നിവരെയാണ് പൊലിസ് അറസ്റ്റ് ചെയ്തത്. 

അനൂപിന്റെ അമ്മ മേഴ്‌സിക്കാണ് ക്രൂരമായ മര്‍ദ്ദനമേറ്റത്. ഞായറാഴ്ച രാവിലെ ആയിരുന്നു ആസ്പദമായ സംഭവം. അനൂപും പെണ്‍ സുഹൃത്തും മേഴ്‌സിയെ വീട്ടില്‍ നിന്നും വലിച്ച് ഇറക്കി റോഡിലിട്ട ശേഷം മര്‍ദ്ദിക്കുകയായിരുന്നു. നാട്ടുകാര്‍ വിളിച്ചറിയിച്ചതിന് തുടര്‍ന്ന് പൊലിസ് എത്തി ഇരുവരെയും അറസ്റ്റ് ചെയ്യുകയായിരുന്നു.