കോഴിക്കോട്: തിക്കോടിയിൽ മത്സ്യബന്ധനത്തിന് പോയ തോണി മറിഞ്ഞ് യുവാവിന് ദാരുണാന്ത്യം. കോടിക്കലിൽ നിന്ന് പുറപ്പെട്ട തോണിയാണ് മറിഞ്ഞത്. ഇന്ന് രാവിലെ 5.15ന് നടന്ന സംഭവത്തിൽ തിക്കോടി പാലക്കുളങ്ങരകുനി പുതിയവളപ്പിൽ ഷൈജു (40) ആണ് മരിച്ചത്. ഷൈജുവിനൊപ്പമുണ്ടായിരുന്ന പുതിയവളപ്പിൽ രവി (59), തിക്കോടി പീടികവളപ്പിൽ ദേവദാസ് (59) എന്നിവരെ രക്ഷപ്പെടുത്തി.   

തോണി മറിഞ്ഞ് മത്സ്യബന്ധനത്തിനായി ഒരുക്കിയ വലയില്‍ കുടുങ്ങുകയായിരുന്നു ഷൈജു. കുറച്ചകലെ മറ്റൊരു തോണിയിലുണ്ടായിരുന്നവർ മൂന്നുപേരെയും കരക്കെത്തിച്ച്, ഉടന്‍ കൊയിലാണ്ടി താലൂക്ക് ആശുപത്രിയില്‍ എത്തിച്ചെങ്കിലും ഷൈജുവിനെ രക്ഷിക്കാനായില്ല. ഭാര്യ: നിഖില, പിതാവ്: ശ്രീധരന്‍, മാതാവ്: സുശീല

A tragic incident occurred in Thikkodi when a boat capsized, resulting in the untimely death of a young man, leaving the community in shock and mourning.