വാഷിംഗ്ടണ്‍: ഇറാനെതിരേ സൈനിക നടപടി സ്വീകരിക്കാന്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന് മേല്‍ സമ്മര്‍ദ്ദം ചെലുത്തിയെന്ന വാര്‍ത്തകള്‍ തള്ളി സഊദി അറേബ്യ. പ്രചരിക്കുന്ന റിപ്പോര്‍ട്ടുകള്‍ അടിസ്ഥാനരഹിതമാണെന്നും നയതന്ത്ര ചര്‍ച്ചകളിലൂടെ പ്രശ്‌നപരിഹാരം കാണാനാണ് രാജ്യം എപ്പോഴും ശ്രമിച്ചിട്ടുള്ളതെന്നും  വാഷിംഗ്ടണിലെ സഊദി എംബസി വ്യക്തമാക്കി. ഇറാന്‍ പരമോന്നത നേതാവ് കൊല്ലപ്പെട്ട 'ഓപ്പറേഷന്‍ എപിക് ഫ്യൂറി'ക്ക് പിന്നില്‍ ഇസ്‌റാഈലിന്റെയും സഊദി അറേബ്യയുടെയും ആഴ്ചകള്‍ നീണ്ട രഹസ്യ സമ്മര്‍ദ്ദമുണ്ടായിരുന്നു എന്ന വാഷിംഗ്ടണ്‍ പോസ്റ്റിന്റെ റിപ്പോര്‍ട്ടിനോട് പ്രതികരിക്കുകയായിരുന്നു എംബസി വക്താവ് ഫഹദ് നാസര്‍.

എംബസിയുടെ വിശദീകരണം: 

'ഇറാനുമായി വിശ്വസനീയമായ കരാറിലെത്തുന്നതിനുള്ള നയതന്ത്ര ശ്രമങ്ങളെ സഊദി അറേബ്യ എന്നും പിന്തുണച്ചിട്ടുണ്ട്. ട്രംപ് ഭരണകൂടവുമായുള്ള ഒരു ആശയവിനിമയത്തിലും നിലവിലെ നയത്തില്‍ നിന്ന് വ്യത്യസ്തമായ രീതി സ്വീകരിക്കാന്‍ ഞങ്ങള്‍ ആവശ്യപ്പെട്ടിട്ടില്ല. മേഖലയില്‍ സമാധാനവും സുസ്ഥിരതയും ഉറപ്പാക്കാനാണ് രാജ്യം എന്നും ആഗ്രഹിക്കുന്നത്..' ,- ഫഹദ് നാസര്‍ പ്രസ്താവനയില്‍ പറഞ്ഞു. 

Saudi Arabia has denied claims that it lobbied US President Donald Trump to launch military strikes against Iran, calling recent reports suggesting otherwise false. Fahad Nazer, spokesperson for the Saudi Embassy in Washington, said the Kingdom has consistently supported diplomatic efforts aimed at reaching a credible agreement with Tehran.